പരിസ്ഥിതിലോല മേഖല: കേരളം ഭേദഗതി ഹരജി സമർപ്പിക്കും

തി​രു​വ​ന​ന്ത​പു​രം: സം​ര​ക്ഷി​ത വ​ന​മേ​ഖ​ല​ക്ക്​ ചു​റ്റും ഒ​രു കി​ലോ​മീ​റ്റ​ർ പ​രി​സ്ഥി​തി​ലോ​ല മേ​ഖ​ല (ഇഎ​സ്‌സെ​ഡ്) ഉണ്ടായിരിക്കണമെന്ന സുപ്രിംകോടതി വി​ധി മ​റി​ക​ട​ക്കാ​ൻ സം​സ്ഥാ​നം ഭേ​ദ​ഗ​തി ഹ​ര​ജി സ​മ​ർ​പ്പി​ക്കും. തു​ട​ർന​ട​പ​ടി​ക​ൾ ച​ർച്ച​ചെ​യ്യാ​ൻ ബു​ധ​നാ​ഴ്ച മ​ന്ത്രി​ വി​ളി​ച്ച ഉന്നതതല യോ​ഗ​ത്തി​ലാ​ണ് തീ​രു​മാ​നം. ജ​ന​വാ​സ​മേ​ഖ​ല​ക​ൾ ഒ​ഴി​വാ​ക്കി വ​ന്യ​ജീ​വി സ​ങ്കേ​ത​ങ്ങ​ളു​ടെ​യും ദേശീയോദ്യാനങ്ങളുടെ​യും പ​രി​സ്ഥി​തി സം​വേ​ദ​ക പ്ര​ദേ​ശ​ങ്ങ​ൾ (ഇക്കോ സെ​ൻസി​റ്റി​വ് സോ​ൺ) നി​ർ​ണ​യി​ക്ക​ണ​മെ​ന്ന മു​ൻ നി​ല​പാ​ടി​ൽ മാ​റ്റം വരുത്തിയില്ലെ​ന്ന്​ യോ​ഗ​ശേ​ഷം മ​ന്ത്രി എ കെ ശശീ​ന്ദ്ര​ൻ പ​റ​ഞ്ഞു.

അ​തേ​സ​മ​യം, പ്ര​ള​യ​പ​​ശ്ചാ​ത്ത​ല​ത്തി​ൽ 2019 ഒ​ക്​​ടോ​ബ​റി​ൽ ചേ​ർ​ന്ന മ​ന്ത്രി​സ​ഭ​യോ​ഗം, സം​ര​ക്ഷി​ത വ​ന​മേ​ഖ​ല​ക​ൾ​ക്കും ദേ​ശീ​യ ഉദ്യാന​ങ്ങ​ൾ​ക്കും സ​മീ​പം ഒ​രു കി​ലോ​മീ​റ്റ​ർ പ​രി​ധി​യി​ൽ പ​രി​സ്ഥി​തി​ലോ​ല മേ​ഖ​ല​യാ​യി നി​ശ്ച​യി​ച്ച്​ തീ​രു​മാ​നം കൈ​ക്കൊ​ണ്ട​ത്​ സർക്കാ​റി​നെ തിരിഞ്ഞുകുത്തുകയാണ്. അ​പ്ര​കാ​രം തീ​രു​മാ​ന​മെ​ടു​ത്ത സ​ർ​ക്കാ​റാ​ണ്​ സു​പ്രീം​കോ​ട​തി വി​ധി​ക്കെ​തി​രെ റി​വ്യൂ പെറ്റീഷ​ൻ ന​ൽ​കാ​ൻ പുറപ്പെട്ടിരിക്കു​ന്ന​തെ​ന്നാ​ണ്​ ആ​രോ​പ​ണം. എ​ന്നാ​ൽ, അ​ത്ത​രം പ്ര​ചാ​ര​ണം ജ​ന​ങ്ങ​ളെ തെറ്റിദ്ധരിപ്പിക്കാനാണെന്ന്​ മ​ന്ത്രി പ​റ​ഞ്ഞു.

പ​രി​സ്ഥി​തി സം​വേ​ദ​ക മേ​ഖ​ല നി​ർ​ദേ​ശി​ച്ച്​ ഇ​തി​ന​കം കേ​ന്ദ്ര​ത്തി​ന് ന​ൽകി​യ അ​പേ​ക്ഷ​ക​ൾ നി​ല​നി​ർത്തി​ക്കൊ​ണ്ടു​ത​ന്നെ കോ​ട​തി ഉത്ത​ര​വി​ൻറെ ഖണ്ഡി​ക 44 (f)ൽ ​പ​റ​യു​ന്ന​പ്ര​കാ​രം ജ​ന​വാ​സ​മേ​ഖ​ല ഒ​ഴി​വാ​ക്കി നി​ല​വി​ലെ നി​ർ​ദേ​ശം ത​ന്നെ വീ​ണ്ടും കേ​ന്ദ്ര വ​നം-​പരിസ്ഥി​തി മ​ന്ത്രാ​ല​യ​ത്തി​നും സെൻട്ര​ൽ എം​പ​വേ​ർഡ് ക​മ്മി​റ്റി​ക്കും സ​മ​ർപ്പി​ച്ച് സു​പ്രിം​കോ​ട​തി​യി​ൽനി​ന്ന്​ ഇ​ള​വ് വാ​ങ്ങും. നിലവിലെ നി​ർ​മാ​ണ​ങ്ങ​ൾ സം​ബ​ന്ധി​ച്ചും ഓ​രോ പ്രദേശത്തെ​യും വീ​ടു​ക​ൾ, സ​ർക്കാ​ർ സ്ഥാ​പ​ന​ങ്ങ​ൾ തു​ട​ങ്ങി​യ​വ സം​ബ​ന്ധി​ച്ചു​മു​ള്ള വി​ശ​ദാം​ശം സ​മ​യ​ബ​ന്ധി​ത​മാ​യി ത​യാ​റാ​ക്കി സു​പ്രിംകോ​ട​തി​ക്ക്​ സമർപ്പി​ക്കു​മെ​ന്നും മ​ന്ത്രി പ​റ​ഞ്ഞു.