വടകര: കെ കെ രമ എംഎല്‍എയ്ക്ക് വധഭീഷണിയുമായി കത്ത്. പയ്യന്നൂര്‍ സഖാക്കള്‍ എന്ന പേരിലാണ് കത്ത് വന്നിരിക്കുന്നത്. ഇതുസംബന്ധിച്ച് എംഎല്‍എ പോലിസില്‍ പരാതി നല്‍കി. 'എം എം മണി പറഞ്ഞതില്‍ എന്താണ് തെറ്റ് ? നിനക്ക് ഒഞ്ചിയം രക്തസാക്ഷികളെ അറിയാമോ ? ഇനിയും ഞങ്ങളുടെ പിണറായി വിജയനെ കുറ്റം പറഞ്ഞാല്‍ ഭരണം നഷ്ടമായാലും വേണ്ടില്ല, ചിലത് ചെയ്യേണ്ടിവരും' എന്നാണ് എടീ രമേ എന്ന് അഭിസംബോധന ചെയ്തുകൊണ്ടുള്ള കത്തിലുള്ളത്.
കൂടാതെ പ്രതിപക്ഷ നേതാവ് വി ഡി സതീശനും എംപിമാരായ കെ മുരളീധരനും കെ സി വേണുഗോപാലിനും കത്തില്‍ ഭീഷണിയുണ്ട്. പയ്യന്നൂരില്‍ വരുമ്പോള്‍ കാണിച്ചുതരുമെന്നാണ് ഇവരോട് പറയുന്നത്. കെ കെ എംഎല്‍എ ഡിജിപി അനില്‍ കാന്തിന് നേരിട്ടാണ് പരാതി നല്‍കിയത്.