തിരുവനന്തപുരം: സംസ്ഥാനം കലാപഭൂമിയാക്കാനും, ക്രമസമാധാന നില തകര്ന്നുവെന്ന മുറവിളി സൃഷ്ടിക്കാനും ബോധപൂര്വ്വം നടത്തിയ ശ്രമമാണ് എകെജി സെന്ററിനെതിരെ നടന്ന ആക്രമണമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. എകെജി സെന്ററിന് നേരെ ആക്രമം സൃഷ്ടിച്ച് പ്രകോപനം സൃഷ്ടിക്കാനുള്ള യുഡിഎഫ് തന്ത്രങ്ങളില് യാതൊരു കാരണവശാലും പാര്ട്ടിയെ സ്നേഹിക്കുന്നവര് കുടുങ്ങരുതെന്നും സിപിഎം പ്രസ്താവനയില് പറയുന്നു.
എകെജി സെന്ററിന് നേരെ നടന്ന ബോംബാക്രമണത്തില് സമാധാനപരമായ പ്രതിഷേധം ബഹുജനങ്ങളെ അണിനിരത്തി സംഘടിപ്പിക്കണമെന്നും സിപിഎം വ്യക്തമാക്കി.
എകെജി സെന്ററിലെ ഹാളിലേക്കുള്ള ഗേറ്റിലാണ് ബോംബ് എറിഞ്ഞത്. രാത്രി 11.30 ഓടെയാണ് സംഭവം. സംഭവത്തിന്റെ സിസിടിവി ദൃശ്യങ്ങള് പുറത്ത് വന്നു. കന്റോണ്മെന്റ് പോലിസ് സംഭവ സ്ഥലത്ത് പരിശോധന നടത്തുകയാണ്.
എകെജി സെന്ററിന്റെ അടുത്തുകൂടി കുന്നുകുഴി ഭാഗത്തേക്ക് പോകുന്ന റോഡില് നിന്നും സ്കൂട്ടറില് വന്ന ഒരാള് ബോംബ് എറിയുന്ന ദൃശ്യമാണ് കാണുന്നത്. രണ്ട് ബൈക്കുകള് ആക്രമണം നടന്ന സമയത്ത് ആ ഭാഗത്ത് എത്തിയെന്നാണ് ഓഫിസ് സെക്രട്ടറി പറയുന്നത്.
എല്ഡിഎഫ് കണ്വീനര് ഇപി ജയരാജന്, മന്ത്രി ആന്റണി രാജു, പികെ ശ്രീമതി എഎ റഹീം എംപി അടക്കം സ്ഥലത്ത് എത്തിയിട്ടുണ്ട്.