മുല്ലപ്പെരിയാർ ജലനിരപ്പ്​: നിയമസഭയിൽ ഉരുണ്ടുകളിച്ച്​ മന്ത്രി റോഷി അ​ഗസ്റ്റിൻ

തി​രു​വ​ന​ന്ത​പു​രം: കേ​ര​ളം വാ​ദി​ച്ച​തു​പോ​ലെ മു​ല്ല​പ്പെ​രി​യാ​ർ ജ​ല​നി​ര​പ്പ് 142 അ​ടി​യി​ൽ കൂ​ടാ​ൻ പാ​ടി​ല്ലെ​ന്ന് സു​പ്രിംകോ​ട​തി പറഞ്ഞതാ​യി മ​ന്ത്രി റോഷി അ​ഗ​സ്റ്റി​ൻ. എ​ന്നാ​ൽ, കേ​ര​ള​ത്തി​ന്‍റെ നി​ല​പാ​ട് 136 അ​ടി​യാ​ണെ​ന്ന് ഉ​ട​ൻ തി​രു​ത്തി പ്ര​തി​പ​ക്ഷ​ എംഎൽഎ തിരുവഞ്ചൂ​ർ രാ​ധാ​കൃ​ഷ്ണ​ൻ. സർ​ക്കാ​ർ നി​ല​പാ​ടാ​ണ് 142 എ​ന്ന് താ​ൻ പ​റ​ഞ്ഞ​തി​ന് അ​ർ​ഥ​മി​ല്ലെ​ന്ന് ഉ​രു​ണ്ടു​ക​ളി​ച്ച്​ റോ​ഷി അ​ഗ​സ്റ്റി​ൻ. ധനാഭ്യർഥന ച​ർ​ച്ച​ക്ക്​ മ​റു​പ​ടി പ​റ​യു​മ്പോ​ഴാ​യി​രു​ന്നു റോ​ഷി അ​ഗസ്റ്റിന്റെ ഉ​രു​ണ്ടു​ക​ളി.

''കേ​ര​ളം പ​റ​ഞ്ഞി​രി​ക്കു​ന്ന വാ​ദ​ഗ​തി​ക​ൾ ശ​രി​യാ​ണെ​ന്നു​ള്ള നി​ല​യി​ല​ല്ലേ കോ​ട​തി​യി​ൽ വ​ന്നി​രി​ക്കു​ന്ന പ​രാ​മ​ർ​ശ​ങ്ങ​ൾ. എ​ന്നു​തുടങ്ങിയാ​ണ്​ റോ​ഷി മ​റു​പ​ടി ആ​രം​ഭി​ച്ച​ത്. ന​മ്മ​ളെ​ന്താ പ​റ​ഞ്ഞ​ത് 142 അ​ടി​യി​ൽ കൂ​ടു​ത​ൽ ഉ​യ​ർ​ത്താ​ൻ പാ​ടി​ല്ല. കോ​ട​തി എ​ന്തു പറഞ്ഞു? 142 അ​ടി​ക്ക് അ​പ്പു​റ​ത്ത് പോകാ​ൻ പാ​ടി​ല്ല...'' ഇ​ത്ര​യു​മാ​യ​പ്പോ​ഴേ​ക്കും തി​രു​വ​ഞ്ചൂ​ർ ഇ​ട​പെ​ട്ടു: ''അ​ങ്ങ് പ​റ​യു​ന്ന കാര്യങ്ങളെല്ലാം ഇ​വി​ടെ റെ​ക്കോ​ഡ് ചെ​യ്യു​ക​യാ​ണ്. അ​ത്​ കോ​ട​തി​യി​ലു​മെ​ത്തും. 136 അ​ടി​യാ​ണ് എ​ല്ലാ​ക്കാ​ല​ത്തും കേ​ര​ളം മുന്നോട്ടുവെ​ച്ചി​ട്ടു​ള്ള​ത്. 142 എ​ന്ന മാ​റ്റം എ​വി​ടെ നി​ന്നു​വ​ന്നെ​ന്ന് എ​നി​ക്ക​റി​യി​ല്ല. ഏ​ത് സ​ർ​ക്കാ​ർ ഭ​രി​ച്ചാ​ലും 1979 മു​ത​ൽ 136 അ​ടി എന്ന​ത് ഔ​ദ്യോ​ഗി​ക നി​ല​പാ​ടാ​ണ്".

ഇതിന് പിന്നാലെ തെ​റ്റു​സ​മ്മ​തി​ക്കാ​തെ ത​ന്നെ മ​ന്ത്രി വ്യ​ക്ത​മാ​ക്കി​യ​ത് ഇ​ങ്ങ​നെ: ''142 അ​ധി​ക​രി​ക്ക​രു​ത് എ​ന്ന് സു​പ്രിംകോ​ട​തി പറഞ്ഞു​വെ​ന്നാ​ണ് ഞാ​ൻ പ​റ​ഞ്ഞ​ത്. എ​ന്നു പ​റ​ഞ്ഞാ​ൽ കേ​ര​ള​ത്തി​ന്‍റെ നി​ല​പാ​ട് അ​തെ​ന്ന​ല്ല അ​ർ​ഥം. കേ​ര​ള​ത്തി​ന്‍റെ നി​ല​പാ​ട് 136 അടി ത​ന്നെ.''

ഇ​തി​നി​ട​യി​ൽ കെ ​ബാ​ബു ഇ​ട​പെ​ട്ടു. ''മു​ഖ്യ​മ​ന്ത്രി പാ​ർ​ട്ടി സെ​ക്ര​ട്ട​റി ആ​യി​രു​ന്ന​പ്പോ​ൾ മു​ല്ല​പ്പെ​രി​യാ​ർ ഡാം ​ഉ​ട​ൻ​പൊ​ട്ടും എ​ന്നുപറഞ്ഞ് ക​ട​ൽ വ​രെ ഒ​രു ച​ങ്ങ​ല​പി​ടി​ച്ച​ല്ലോ.. ഇ​പ്പോ​ൾ മു​ല്ല​പ്പെ​രി​യാ​റി​ന് വ​ല്ല അ​പ​ട​ക​വും ഉ​ള്ള​താ​യി തോ​ന്നു​ന്നു​ണ്ടോ?' അ​ന്ന്​ താ​ൻ യുഡിഎഫി​ന്‍റെ ഭാ​ഗ​മാ​യി​രു​ന്നെ​ന്നും പൊ​ട്ടി​യേ​ക്കു​മെ​ന്ന് ആ​ശ​ങ്ക​പ്പെ​ട്ട് നി​രാ​ഹാ​രം കി​ട​ന്നി​ട്ടു​ണ്ടെ​ന്നും മ​ന്ത്രി മ​റു​പ​ടി പ​റ​ഞ്ഞു.