ചിദംബരത്തെ ഇന്ന് വീണ്ടും കോടതിയില് ഹാജരാക്കും
ചിദംബരത്തെ കസ്റ്റഡിയില് വേണമെന്ന് ആവശ്യപ്പെട്ട് ഇതുവരെ എന്ഫോഴ്സ്മെന്റ് ഡയറക്ടറേറ്റ് നോട്ടിസ് നല്കിയിട്ടുമില്ല കേസുമായി ബന്ധപ്പെട്ട ചിലരെ ചോദ്യംചെയ്യുകയാണെന്നും അവരെ ചോദ്യംചെയ്തതിന് ശേഷം മാത്രം ചിദംബരത്തെ കസ്റ്റഡിയില് മതിയെന്നുമായിരുന്നു എന്ഫോഴ്സ്മെന്റ് കോടതിയില് അറിയിച്ചത്.
ന്യൂഡല്ഹി: ഐഎന്എക്സ് മീഡിയ കേസില് അറസ്റ്റിലായ പി ചിദംബരത്തിന്റെ ജുഡീഷ്യല് കസ്റ്റഡി അവസാനിക്കുന്നു. പി ചിദംബരത്തെ ഇന്ന് സിബിഐ കോടതിയില് ഹാജരാക്കും. ചിദംബരത്തിന്റെ ജാമ്യാപേക്ഷ പരിഗണിക്കുന്നത് 23ആം തീയതിയിലേക്ക് ദില്ലി ഹൈക്കോടതി മാറ്റിയിരിക്കുന്ന സാഹചര്യത്തില് അതുവരെ ചിദംബരത്തെ ജുഡീഷ്യല് കസ്റ്റഡിയില് വീടണമെന്ന് സിബിഐ ആവശ്യപ്പെട്ടേക്കും.
ചിദംബരത്തിനെതിരെ എന്ഫോഴ്സ്മെന്റെ ഡയറക്ടറേറ്റിന്റെ അന്വേഷണവും പുരോഗമിക്കുകയാണ്. തീഹാര് ജയിലില് കിടക്കുന്നതിന് പകരം എന്ഫോഴ്സ്മെന്റിന് മുന്നില് കീഴടങ്ങാന് അനുവദിക്കണമെന്ന ചിദംബരത്തിന്റെ ആവശ്യം നേരത്തെ സിബിഐ കോടതി തള്ളിയിരുന്നു. അതേസമയം, ചിദംബരത്തെ കസ്റ്റഡിയില് വേണമെന്ന് ആവശ്യപ്പെട്ട് ഇതുവരെ എന്ഫോഴ്സ്മെന്റ് ഡയറക്ടറേറ്റ് നോട്ടിസ് നല്കിയിട്ടുമില്ല കേസുമായി ബന്ധപ്പെട്ട ചിലരെ ചോദ്യംചെയ്യുകയാണെന്നും അവരെ ചോദ്യംചെയ്തതിന് ശേഷം മാത്രം ചിദംബരത്തെ കസ്റ്റഡിയില് മതിയെന്നുമായിരുന്നു എന്ഫോഴ്സ്മെന്റ് കോടതിയില് അറിയിച്ചത്.