ബാബരി കേസ്: വഖഫ് ബോര്ഡ് ചെയര്പേഴ്സണ് സുരക്ഷയൊരുക്കണമെന്ന് സുപ്രീം കോടതി
അയോധ്യയിലും സമീപ പ്രദേശങ്ങളിലും ഡിസംബര് പത്ത് വരെ നിരോധനാജ്ഞ പ്രഖ്യാപിച്ചിട്ടുണ്ട്. വ്യാഴാഴ്ചയ്ക്കകം വാദം പൂര്ത്തിയാകുകയും നവംബര് 17നകം വിധി വരാനിരിക്കുകയും ചെയ്യുന്ന സാഹചര്യത്തിലാണ് ജില്ലാ മജിസ്ട്രേറ്റ് മേഖലയില് നിരോധനാജ്ഞ പ്രഖ്യാപിച്ചത്.
ന്യൂഡല്ഹി: ബാബരി മസ്ജിദ് കേസില് നവംബറില് വിധി വരാന് സാധ്യതയുള്ളതിനാല് യുപിയിലെ സുന്നി വഖഫ് ബോര്ഡ് ചെയര്പേഴ്സണ് സാഫര് അഹമ്മദ് ഫറൂഖിക്ക് മതിയായ സുരക്ഷയൊരുക്കണമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന് സുപ്രീം കോടതി നിര്ദേശം നല്കി. അയോധ്യ വിഷയവുമായി ബന്ധപ്പെട്ട് ജീവന് ഭീഷണിയുണ്ടെന്ന് സാഫര് അഹമ്മദ് അഞ്ചംഗ ഭരണഘടനാ ബഞ്ചിനെ അറിയിച്ചിരുന്നു. ഇതേ തുടര്ന്നാണ് സുരക്ഷയൊരുക്കണമെന്ന് കോടതി നിര്ദേശം നല്കിയത്.
അയോധ്യയിലും സമീപ പ്രദേശങ്ങളിലും ഡിസംബര് പത്ത് വരെ നിരോധനാജ്ഞ പ്രഖ്യാപിച്ചിട്ടുണ്ട്. വ്യാഴാഴ്ചയ്ക്കകം വാദം പൂര്ത്തിയാകുകയും നവംബര് 17നകം വിധി വരാനിരിക്കുകയും ചെയ്യുന്ന സാഹചര്യത്തിലാണ് ജില്ലാ മജിസ്ട്രേറ്റ് മേഖലയില് നിരോധനാജ്ഞ പ്രഖ്യാപിച്ചത്. ഈ മാസം 18നുള്ളില് അയോധ്യ കേസിലെ വാദം അവസാനിപ്പിക്കാന് എല്ലാ കക്ഷികള്ക്കും സുപ്രീം കോടതി അന്ത്യശാസനം നല്കിയിരുന്നു.