പ്രകടനത്തിനിടെ തോക്കുമായി ആക്രമണ ശ്രമം: ആര്‍എസ്എസ് ഗൂഢാലോചന പുറത്തു കൊണ്ടുവരണമെന്ന് പോപുലര്‍ ഫ്രണ്ട്
പറവൂരിലെ ആര്‍എസ്എസ് ആയുധപ്പുരയായ അംബാടി സേവ കേന്ദ്രത്തിലെ ആയുധ ശേഖരം റെയ്ഡ് ചെയ്യണമെന്നും പറവൂരിന്റെ സമാധാനന്തരീക്ഷം നിലനിര്‍ത്തണമെന്നും അറഫ മുത്തലിബ് കൂട്ടിച്ചേര്‍ത്തു.
പറവൂര്‍: പോപുലര്‍ ഫ്രണ്ട് പ്രകടനത്തിലേക്ക് തോക്കുമായെത്തി അക്രമണത്തിന് മുതിരുകയും സേവാവാഹിനി ആംബുലന്‍സില്‍ ആയുധം ഒളിപ്പിക്കുകയും ചെയ്ത ആര്‍എസ്എസ് ഭീകരരെ അറസ്റ്റ് ചെയ്ത് സംഭവത്തിലെ ഗൂഢാലോചന ഉന്നത സംഘത്തെ കൊണ്ട് അന്വേഷിപ്പിച്ച് പുറത്ത് കൊണ്ടുവരണമെന്നും എറണാകുളം ജില്ലാ സെക്രട്ടറി അറഫ മുത്തലിബ് ആവശ്യപ്പെട്ടു.
യോഗി ആദിത്യനാഥിന്റെ കേരള സന്ദര്‍ശനത്തിനെതിരേ പോപുലര്‍ ഫ്രണ്ട് സംസ്ഥാന വ്യാപകമായി നടത്തിയ പ്രകടനത്തോടനുബന്ധിച്ച് പറവൂരില്‍ നടത്തിയ പ്രകടനത്തിലേക്കാണ് ആര്‍എസ്എസ് സംഘം തോക്കുമായി ആക്രമണത്തിനെത്തിയത്. പറവൂരിലെ ആര്‍എസ്എസ് ആയുധപ്പുരയായ അംബാടി സേവ കേന്ദ്രത്തിലെ ആയുധ ശേഖരം റെയ്ഡ് ചെയ്യണമെന്നും പറവൂരിന്റെ സമാധാനന്തരീക്ഷം നിലനിര്‍ത്തണമെന്നും അറഫ മുത്തലിബ് കൂട്ടിച്ചേര്‍ത്തു.