അസമില് മിന്നല്പ്രളയം; 24,681 ആളുകളെ മാറ്റിപ്പാര്പ്പിച്ചു, റോഡ് ഒലിച്ചുപോയി
ശനിയാഴ്ച വരെ തുടര്ച്ചയായി പെയ്ത മഴയാണ് അസം നിവാസികളെ ദുരിതത്തിലാക്കിയത്. ദിമാ ഹസോ ജില്ലയിലെ ഹാഫ് ലോങ് പ്രദേശത്ത് മണ്ണിടിച്ചിലില് ഒരു സ്ത്രീ ഉള്പ്പെടെ മൂന്ന് പേര് മരിച്ചു.
ഗുവാഹത്തി: അസമില് മിന്നല്പ്രളയം. ആറു ജില്ലകളിലെ 94 ഗ്രാമങ്ങളെയാണ് വെള്ളപ്പൊക്കം ബാധിച്ചത്. 24,681 ആളുകളെ മാറ്റി പാര്പ്പിച്ചു.
ശനിയാഴ്ച വരെ തുടര്ച്ചയായി പെയ്ത മഴയാണ് അസം നിവാസികളെ ദുരിതത്തിലാക്കിയത്. ദിമാ ഹസോ ജില്ലയിലെ ഹാഫ് ലോങ് പ്രദേശത്ത് മണ്ണിടിച്ചിലില് ഒരു സ്ത്രീ ഉള്പ്പെടെ മൂന്ന് പേര് മരിച്ചു. കാച്ചര്, ധേമാജി, ഹോജായ്, കര്ബി ആംഗ്ലോങ് വെസ്റ്റ്, നാഗോണ്, കാംരൂപ് ജില്ലകളാണ് പ്രളയക്കെടുതി നേരിടുന്നത്.
വിവിധയിടങ്ങളിലെ 12 ഗ്രാമങ്ങളിലാണ് മണ്ണിടിച്ചില് ഉണ്ടായത്. ഹാഫ് ലോങ് മേഖലയില് കുത്തൊഴുക്കില് റോഡ് ഒലിച്ചുപോകുന്നതിന്റെ ദൃശ്യങ്ങള് പുറത്തുവന്നു. അയല് സംസ്ഥാനങ്ങളായ മേഘാലയ, അരുണാചല് പ്രദേശ് എന്നിവിടങ്ങളിലും രണ്ടു ദിവസമായി ശക്തമായ മഴ തുടരുകയാണ്. പല നദികളും കരകവിഞ്ഞു.