342 യാത്രക്കാരുള്ള വിമാനത്തിന് ആകാശത്ത് വച്ച് തീപിടിച്ചു; ദുരന്തമൊഴിവായത് തലനാരിഴക്ക് (വീഡിയോ)
ഫിലിപ്പീന്സിന്റേതാണ് വിമാനം. വലത്തേ എന്ജിനാണ് തീപിടിച്ചത്. വലിയ ദുരന്തമാണ് യാത്രക്കാരുടെ ഇടപെടല് മൂലം ഒഴിവായത്. എന്ജിന് തീപിടിക്കുന്നത് യാത്രക്കാര് ഫോണില് വീഡിയോ എടുത്തു.
ലോസ് ആഞ്ചല്സ്: 342 യാത്രക്കാരുമായി പുറപ്പെട്ട വിമാനത്തിന്റെ എന്ജിന് ആകാശത്ത് വച്ച് തീപിടിച്ചു. ലോസ് ആഞ്ചല്സില് നിന്ന് ഫിലിപ്പീന്സിലേക്ക് പുറപ്പെട്ട ബോയിംഗ് 777 വിമാനത്തിന്റെ എന്ജിനാണ് പുറപ്പെട്ട ഉടനെ തീപിടിച്ചത്.
A Boeing 777 bound for Manila suffered an apparent engine failure shortly after takeoff and made an emergency landing in Los Angeles, the FAA said pic.twitter.com/pGeo3l1gbA
— Reuters (@Reuters) November 22, 2019
തീപിടിത്തം യാത്രക്കാരാണ് പൈലറ്റിന്റെ ശ്രദ്ധയില്പ്പെടുത്തിയത്. ഉടനെ വിമാനം ലോസ് ആഞ്ചല്സ് വിമാനത്താവളത്തില് അടിയന്തരമായി തിരിച്ചിറക്കി. വ്യാഴാഴ്ചയാണ് സംഭവം ഉണ്ടായത്.
ഫിലിപ്പീന്സിന്റേതാണ് വിമാനം. വലത്തേ എന്ജിനാണ് തീപിടിച്ചത്. വിമാനത്തിന് തീപിടിക്കുമ്പോള് 342 യാത്രക്കാരും 18 ക്രൂ അംഗങ്ങളും ഉണ്ടായിരുന്നു. വലിയ ദുരന്തമാണ് യാത്രക്കാരുടെ ഇടപെടല് മൂലം ഒഴിവായത്. എന്ജിന് തീപിടിക്കുന്നത് യാത്രക്കാര് ഫോണില് വീഡിയോ എടുത്തു.