ബാത്തുമി (ജോര്ജിയ): ഫിഡെ വനിതാ ചെസ് ലോകകപ്പില് ചരിത്രംകുറിച്ച് ഇന്ത്യയുടെ ദിവ്യ ദേശ്മുഖ് ഫൈനലില്. ചൈനയുടെ മുന് ലോകചാമ്പ്യന് ടാന് സോംങ്കിയെ സെമിയിലെ രണ്ടാം ഗെയിമില് കീഴടക്കിയാണ് ദിവ്യ ഫൈനലില് കടന്നത്. (1.50.5). ഇരുവരും തമ്മിലുള്ള ആദ്യ ഗെയിം സമനിലയിലായിരുന്നു. ആദ്യമായാണ് ഇന്ത്യന്താരം ചാമ്പ്യന്ഷിപ്പിന്റെ ഫൈനലിലെത്തുന്നത്.
ഇന്ത്യയുടെ കൊനേരു ഹംപിയും ചൈനയുടെ ഗ്രാന്റ്മാസ്റ്റര് ലെയ് ടിന്ജിയും തമ്മിലുള്ള സെമിയിലെ വിജയിയെയാണ് ദിവ്യ ഫൈനലില് നേരിടുക. ഹംപിയും ടിന്ജിയും തമ്മിലുള്ള സെമിയിലെ രണ്ടു ഗെയിമുകളും സമനിലയിലായി. ഇതോടെ, വ്യാഴാഴ്ച നടക്കുന്ന ടൈ ബ്രേക്കറിലൂടെ വിജയിയെ തീരുമാനിക്കും. വെള്ളക്കരുക്കളുമായാണ് രണ്ടാം ഗെയിമില് ദിവ്യ ചൈനീസ് എതിരാളിയെ നേരിട്ടത്. 101 നീക്കം കണ്ട മാരത്തണ് പോരാട്ടത്തില് റാങ്കിങ്ങില് ഏറെ മുന്നിലുള്ള സോങ്കിയെ ഇന്ത്യന് താരം കീഴടക്കി.