റഫറിയെ മര്‍ദ്ദിച്ചു; ഗുസ്തി താരം സതേന്ദര്‍ മാലിഖിന് ആജീവനാന്ത വിലക്ക്
മല്‍സരത്തില്‍ താരം പരാജയപ്പെട്ടിരുന്നു.
ലഖ്‌നൗ: റഫറിയെ മര്‍ദ്ദിച്ചതിനെ തുടര്‍ന്ന് ഇന്ത്യന്‍ ഗുസ്തി താരം സതേന്ദര്‍ മാലിഖിന് ആജീവനാന്ത വിലക്ക്. കോമണ്‍വെല്‍ത്ത് ട്രയല്‍സിനിടെയാണ് സതേന്ദര്‍ റഫറിയെ മര്‍ദ്ദിച്ചത്. റെസ്ലിങ് ഫെഡറേഷന്‍ ഓഫ് ഇന്ത്യയാണ് വിലക്കേര്‍പ്പെടുത്തിയത്. മോഹിത് ഗ്രേവാലിനെതിരായ മല്‍സരത്തില്‍ താരം പരാജയപ്പെട്ടിരുന്നു. ഇതിന് ശേഷമാണ് സതേന്ദര്‍ റഫറിയെ ഇടിച്ചത്.