ലോകകപ്പ് യോഗ്യതാ; അര്ജന്റീനെയെ മെസ്സി നയിക്കും; ക്ലോഡിയോ എച്ചെവേരി, അലന് വരേല, ഫ്രാങ്കോ മസ്താന്റുവോണോ എന്നിവരും ടീമില്
ബ്യുണസ് ഐറിസ്: 2026 ലെ ഫിഫ ലോകകപ്പ് യോഗ്യതാ മല്സരങ്ങള്ക്കുള്ള അര്ജന്റീന ടീമില് ലയണല് മെസ്സിയെ ഉള്പ്പെടുത്തി. 26 അംഗ ടീമിനെയാണ് കോച്ച് ലയണല് സ്കലോണി പ്രഖ്യാപിച്ചത്.വെനിസ്വേലയ്ക്കും ഇക്വഡോറിനുമെതിരായ ദക്ഷിണ അമേരിക്കന് മേഖലാ യോഗ്യതാ മല്സരങ്ങളില് പങ്കെടുക്കുന്ന അര്ജന്റീന ടീമിനെ മെസ്സി നയിക്കും. അടുത്തിടെ പരിക്കില് നിന്ന് മോചിതനായി കളിക്കളത്തില് തിരിച്ചെത്തിയ മെസ്സി മേജര് ലീഗ് സോക്കറില് ഇന്റര് മയാമിക്ക് വേണ്ടി കഴിഞ്ഞ മല്സരത്തില് ഗോള് നേട്ടത്തോടെ തിളങ്ങിയിരുന്നു. മാഞ്ചസ്റ്റര് സിറ്റി സ്ട്രൈക്കര് ക്ലോഡിയോ എച്ചെവേരി, പോര്ട്ടോ മിഡ്ഫീല്ഡര് അലന് വരേല, അടുത്തിടെ റയല് മാഡ്രിഡ് ഒപ്പിട്ട ഫ്രാങ്കോ മസ്താന്റുവോണോ എന്നിവരുള്പ്പെടെ നിരവധി യുവ അര്ജന്റീനിയന് പ്രതിഭകളും ടീമിലുണ്ട്.
ബ്രസീലിയന് ക്ലബ്ബ് പാല്മിറാസില് നിന്നുള്ള സ്ട്രൈക്കര് ജോസ് മാനുവല് ലോപ്പസിനെയും ലയണല് സ്കലോണി ആദ്യമായി ടീമില് ഉള്പ്പെടുത്തി. സെപ്റ്റംബര് 4 ന് ബ്യൂണസ് ഐറിസിലെ മോനുമെന്റല് സ്റ്റേഡിയത്തില് അര്ജന്റീന വെനിസ്വേലയെ നേരിടും. അഞ്ച് ദിവസത്തിന് ശേഷം ഗ്വായാക്വിലില് ആണ് ഇക്വഡോറിനെതിരായ മല്സരം.
ലോകകപ്പ് ഫൈനല്സിലേക്ക് അര്ജന്റീന ഇതിനകം യോഗ്യത നേടിയിട്ടുണ്ട്. ദക്ഷിണ അമേരിക്കന് മേഖല യോഗ്യതാ റൗണ്ടില് 35 പോയിന്റുമായി ഒന്നാം സ്ഥാനത്താണ് അര്ജന്റീന. രണ്ടാം സ്ഥാനത്തുള്ള ഇക്വഡോറിനേക്കാളും മൂന്നാം സ്ഥാനത്ത് ബ്രസീലിനേക്കാളും 10 പോയിന്റ് മുന്നിലാണ്.
ടീം:
ഗോള്കീപ്പര്മാര്: എമിലിയാനോ മാര്ട്ടിനെസ്, വാള്ട്ടര് ബെനിറ്റസ്, ജെറോണിമോ റുല്ലി.
ഡിഫന്ഡര്മാര്: ക്രിസ്റ്റ്യന് റൊമേറോ, നിക്കോളാസ് ഒട്ടാമെന്ഡി, നഹുവല് മൊലിന, ഗോണ്സാലോ മോണ്ടിയേല്, ലിയോനാര്ഡോ ബലേര്ഡി, ജുവാന് ഫോയ്ത്ത്, നിക്കോളാസ് ടാഗ്ലിയാഫിക്കോ, മാര്ക്കോസ് അക്യൂന, ജൂലിയോ സോളര്, ഫാകുണ്ടോ മദീന.
മിഡ്ഫീല്ഡര്മാര്: അലക്സിസ് മാക് അലിസ്റ്റര്, എക്സിക്വല് പലാസിയോസ്, അലന് വരേല, ലിയാന്ഡ്രോ പരേഡെസ്, തിയാഗോ അല്മാഡ, നിക്കോളാസ് പാസ്, റോഡ്രിഗോ ഡി പോള്, ജിയോവാനി ലോ സെല്സോ, വാലന്റൈന് കാര്ബോണി.
ഫോര്വേഡ്സ്: ക്ലോഡിയോ എച്ചെവേരി, ഫ്രാങ്കോ മസ്റ്റാന്റുവോനോ, ഗിയുലിയാനോ സിമിയോണി, ഏഞ്ചല് കൊറിയ, ജൂലിയന് അല്വാരസ്, നിക്കോളാസ് ഗോണ്സാലസ്, ലയണല് മെസ്സി , ലൗട്ടാരോ മാര്ട്ടിനെസ്, ജോസ് മാനുവല് ലോപ്പസ്.
നിഷാദ് അമീന്