സൂപ്പര് സണ്ഡേയില് എല് ക്ലാസ്സിക്കോ, ഇന്ത്യാ-പാക് പോര്, മാഞ്ചസ്റ്റര്-ലിവര്പൂള് ഡെര്ബി
ഇത് കൂടാതെ പിഎസ്ജി ഫ്രഞ്ച് ലീഗില് മാര്സിലെയ്ക്കെതിരേയും ഇറങ്ങുന്നുണ്ട്.
ക്യാപ് നൗ: കായിക ലോകം നാളെ സൂപ്പര് സണ്ഡേയില് ഫുട്ബോള്-ക്രിക്കറ്റ് ബ്ലോക്ക്ബാസ്റ്റേഴ്സിനാണ് വേദിയാവുന്നത്. ക്ലബ്ബ് ഫുട്ബോളിലെ ഏറ്റവും ആവേശം നിറഞ്ഞ എല് ക്ലാസ്സിക്കോ, ക്രിക്കറ്റിലെ എല് ക്ലാസ്സിക്കോ എന്നറിയപ്പെടുന്ന ഇന്ത്യാ-പാക് ക്രിക്കറ്റ് പോര്, പ്രീമിയര് ലീഗിലെ നോര്ത്ത് വെസ്റ്റ് ഡെര്ബി എന്നറിയപ്പെടുന്ന ലിവര്പൂള്-മാഞ്ചസ്റ്റര് യുനൈറ്റഡ് മല്സരം എന്നിവയാണ് സൂപ്പര് സണ്ഡേയില് കായിക പ്രമേികള്ക്കായി വിരുന്നൊരുക്കുന്നത്. ഇത് കൂടാതെ പിഎസ്ജി ഫ്രഞ്ച് ലീഗില് മാര്സിലെയ്ക്കെതിരേയും ഇറങ്ങുന്നുണ്ട്.
റയല് മാഡ്രിഡും-ബാഴ്സലോണയും നേര്ക്കുനേര് വരുന്ന എല് ക്ലാസ്സിക്കോ ഇന്ത്യന് സമയം രാത്രി 7.45നാണ് ആരംഭിക്കുക. ക്രിക്കറ്റിലെ ഏറ്റവും ആവേശം നിറഞ്ഞ ഇന്ത്യാ -പാക് ക്രിക്കറ്റ് മല്സരം രാത്രി 7.30നാണ്. ലിവര്പൂള്-യുനൈറ്റഡ് മല്സരം രാത്രി 9നാണ്. മെസ്സിയുടെ മാര്സ്സിലെയ്ക്കെതിരായ മല്സരം രാത്രി 12.15നാണ്.