പ്രീമിയര് ലീഗ്; ലിവര്പൂളിനെ വെസ്റ്റ് ബ്രൂമും സ്പര്സിനെ വോള്വ്സും സമനിലയില് പിടിച്ചു
കളി തുടങ്ങി ഒന്നാം മിനിറ്റില് തന്നെ ടോട്ടന്ഹാം വോള്വ്സിനെതിരേ ലീഡ് നേടി.
ആന്ഫീല്ഡ്: ഇംഗ്ലിഷ് പ്രീമിയര് ലീഗില് വമ്പന്മാരെ പിടിച്ചുകെട്ടി വെസ്റ്റ് ബ്രൂമും വോള്വ്സും. ഇന്നലെ നടന്ന മല്സരങ്ങളില് ലിവര്പൂളിനെ 1-1നാണ് 19ാം സ്ഥാനക്കാരായ വെസ്റ്റ്ബ്രൂം പിടിച്ചുകെട്ടിയത്. ലീഗിലെ അഞ്ചാം സ്ഥാനക്കാരായ ടോട്ടന്ഹാമിനെ 11ാം സ്ഥാനക്കാരായ വോള്വ്സ് ആണ് 1-1ന് സമനിലയില് കുരുക്കിയത്. സാദിയോ മാനെയിലൂടെ 12ാം മിനിറ്റില് ചെമ്പട ലീഡെടുത്തു. ആ ലീഡ് മല്സരത്തിന്റെ മൂക്കാല് ഭാഗം വരെ നിലനിര്ത്താന് ക്ലോപ്പിന്റെ കുട്ടികള്ക്കായി. എന്നാല് 82ാം മിനിറ്റില് വെസ്റ്റ് ബ്രൂം സമി അജായിലൂടെ 82ാം മിനിറ്റില് സമനില പിടിക്കുകയായിരുന്നു. പിന്നീട് ലീഡെടുക്കാന് ലിവര്പൂള് ശ്രമിച്ചെങ്കിലും വെസ്റ്റ്ബ്രൂം ഗോളിയുടെ ഇടപെടല് അതിന് വിലങ്ങ് നില്ക്കുകയായിരുന്നു. കളി തുടങ്ങി ഒന്നാം മിനിറ്റില് തന്നെ ടോട്ടന്ഹാം വോള്വ്സിനെതിരേ ലീഡ് നേടി.എന്നാല് 86ാം മിനിറ്റില് സായിസ്സിലൂടെ വോള്വ്സ് സമനില പിടിച്ചു. മറ്റ് മല്സരങ്ങളില് ബേണ്ലിയെ ലീഡ്സ് എതിരില്ലാത്ത ഒരു ഗോളിന് തോല്പ്പിച്ചു. വെസ്റ്റ്ഹാം ബ്രിങ്ടണ് മല്സരം 2-2 സമനിലയില് പിരിഞ്ഞു.