15 വര്‍ഷം; 25 കിരീടങ്ങള്‍ മാര്‍സലോ റയല്‍ വിട്ട് ബ്രസീലിലേക്ക്
താരം സെവിയ്യയിലേക്കാണ് ചേക്കേറുന്നത്.
മാഡ്രിഡ്: റയല്‍ മാഡ്രിഡിന്‍െ പരിചയസമ്പന്നനായ ഡിഫന്‍ഡര്‍ മാര്‍സലോ ക്ലബ്ബ് വിടുന്നു. 34 കാരനായ താരം 15 വര്‍ഷങ്ങളാണ് ക്ലബ്ബിനായി കളിച്ചത്. 18ാം വയസ്സില്‍ റയലില്‍ എത്തിയ ബ്രസീലിയന്‍ താരം 546 മല്‍സരങ്ങളാണ് റയലിനായി കളിച്ചത്. 25 ട്രോഫികളാണ് താരം റയലിനായി നേടിയത്. ചാംപ്യന്‍സ് ലീഗ് ട്രോഫിയും നേടിയാണ് മാര്‍സലോ ജന്‍മനാട്ടിലേക്ക് മടങ്ങുന്നത്. തുടര്‍ന്ന് ഏതെങ്കിലും ബ്രസിലീയന്‍ ക്ലബ്ബില്‍ താരം തുടരും. പുതിയ കോച്ചിന് കീഴില്‍ താരം ഈ സീസണില്‍ 12 മല്‍സരങ്ങള്‍ മാത്രമാണ് കളിച്ചത്. മറ്റൊരു താരമായ ഇസ്‌കോയും ഈ സീസണില്‍ റയല്‍ വിടും. താരം സെവിയ്യയിലേക്കാണ് ചേക്കേറുന്നത്.