പ്രീമിയര് ലീഗ്; ജീസുസിന് ഡബിള്; രണ്ടാം സ്ഥാനത്തേക്ക് കുതിച്ച് സിറ്റി
ജയത്തോടെ ഒന്നാം സ്ഥാനത്തുള്ള ലിവര്പൂളുമായുള്ള സിറ്റിയുടെ പോയിന്റ് അന്തരം എട്ടായി കുറഞ്ഞു.
ഇത്തിഹാദ്: ബേണ്ലിക്കെതിരേ വമ്പന് ജയം നേടി മാഞ്ച്സറ്റര് സിറ്റി. പ്രീമിയര് ലീഗില് ഇന്ന് നടന്ന മല്സരത്തില് ജയത്തോടെ സിറ്റി ലെസ്റ്ററിനെ പിന്തള്ളി രണ്ടാം സ്ഥാനത്തേക്ക് കുതിക്കുകയായിരുന്നു.
4-1നാണ് സിറ്റിയുടെ ജയം. ജീസുസ് നേടിയ ഇരട്ടഗോള് സിറ്റി ജയത്തിന് ആക്കം കൂട്ടി. ജയത്തോടെ ഒന്നാം സ്ഥാനത്തുള്ള ലിവര്പൂളുമായുള്ള സിറ്റിയുടെ പോയിന്റ് അന്തരം എട്ടായി കുറഞ്ഞു. ലിവര്പൂളിന് ലീഗില് 40 പോയിന്റും സിറ്റിക്ക് 32 പോയിന്റുമാണുള്ളത്. മറ്റൊരു മല്സരത്തില് ബേണ്മൗത്തിനെ 1-0ത്തിന് തോല്പ്പിച്ച് ക്രിസ്റ്റല്പാലസ് ലീഗില് അഞ്ചാം സ്ഥാനത്തെത്തി.