പ്രീസീസണ്: ബാഴ്സയ്ക്കായി മെസ്സി കളിച്ചു; ലാ ലിഗയ്ക്കും തുടക്കം
മല്സരത്തില് ബാഴ്സ 3-1ന് ജയിച്ചു. പുതിയ കോച്ച് റൊണാള്ഡ് കോമാന് കീഴിലെ ബാഴ്സയുടെ ആദ്യമല്സരമായിരുന്നു.
ക്യാംപ് നൗ: വിവാദങ്ങള്ക്ക് വിരാമമിട്ട് ലയണല് മെസ്സി ഇന്ന് ബാഴ്സയ്ക്കായി കളിച്ചു. പ്രീസീസണ് മല്സരത്തില് ജിംനാസ്റ്റിക് ക്ലബ്ബിനെതിരേയാണ് മെസ്സി കളിച്ചത്. മല്സരത്തില് ബാഴ്സ 3-1ന് ജയിച്ചു. പുതിയ കോച്ച് റൊണാള്ഡ് കോമാന് കീഴിലെ ബാഴ്സയുടെ ആദ്യമല്സരമായിരുന്നു. ഉസ്മാനെ ഡെംബലെ, അന്റോണിയാ ഗ്രീസ്മാന്, ഫിലിപ്പെ കുട്ടീഞ്ഞോ എന്നിവരാണ് ബാഴ്സയ്ക്കായി സ്കോര് ചെയ്തത്.
അതിനിടെ, സ്പാനിഷ് ലീഗിന് ഇന്ന് തുടക്കമായി. ഇന്ന് നടന്ന മല്സരങ്ങളില് അത്ലറ്റിക്കോ ബില്ബാവോയെ ഗ്രനാഡ എതിരില്ലാത്ത രണ്ടുഗോളിന് തോല്പ്പിച്ചു. രണ്ടാം ഡിവിഷനില്നിന്നെത്തിയ കാഡിസിനെ ഒസാസുന എതിരില്ലാത്ത രണ്ടുഗോളിന് തോല്പ്പിച്ചു. സെല്റ്റാ വിഗോ- ഐബര് മല്സരം ഗോള്രഹിത സമനിലയില് കുരുങ്ങി. ബാഴ്സയുടെ സ്പാനിഷ് ലീഗിലെ ആദ്യമല്സരം ഈമാസം 20ന് വിയ്യാറലിനെതിരേയാണ്.