ബെന്‍സിമയ്ക്കു ഹാട്രിക്, ലാലിഗയില്‍ റയല്‍ മാഡ്രിഡിന് മിന്നും ജയം
കരീം ബെന്‍സിമയുടെ ഹാട്രിക് മികവിലാണ് റയലിന്റെ ജയം
മാഡ്രിഡ്: സ്പാനിഷ് ലീഗില്‍ അത്‌ലറ്റിക്കോ ബില്‍ബാവോയ്‌ക്കെതിരേ റയല്‍ മാഡ്രിഡിന് വമ്പന്‍ ജയം. കരീം ബെന്‍സിമയുടെ ഹാട്രിക് മികവിലാണ് റയലിന്റെ ജയം. 3-0ത്തിനാണ് ബില്‍ബാവോയെ തോല്‍പ്പിച്ചത്. 47, 76, 90 മിനിറ്റുകളിലായിരുന്നു ബെന്‍സിമയുടെ ഗോളുകള്‍. ലീഗില്‍ മൂന്നാം സ്ഥാനത്താണ് റയല്‍. രണ്ടാം സ്ഥാനത്തുള്ള അത്‌ലറ്റിക്കോ മാഡ്രിഡിന് 68 പോയിന്റാണുള്ളത്. റയലിന് 64 പോയിന്റും. മറ്റ് മല്‍സരങ്ങളില്‍ ലെവന്റേ-എസ്പാനിയോള്‍ മല്‍സരം 2-2നു സമനിലയില്‍ കലാശിച്ചു. സെവിയ്യയെ ഗെറ്റാഫെ 3-0ത്തിന് തോല്‍പ്പിച്ചു. വിയ്യാറല്‍ ലെഗനീസിനെ 2-1നും തോല്‍പ്പിച്ചു.