യൂറോപ്പാ കപ്പ്; ചെല്സിയും ആഴ്സണലും ക്വാര്ട്ടറില്
ഉക്രൈന് ക്ലബ്ബ് ഡൈനാമോ കീവിനെ 5-0ത്തിന് തോല്പ്പിച്ചാണ് ചെല്സിയുടെ ജയം. ഫ്രഞ്ച് ക്ലബ്ബ് റെന്നീസിനെ ഇരുപാദങ്ങളിലുമായി 4-3ന് തോല്പ്പിച്ചാണ് ആഴ്സണല് ക്വാര്ട്ടറില് കടന്നത്.
പാരിസ്: ഇംഗ്ലിഷ് ക്ലബ്ബുകളായ ചെല്സിയും ആഴ്സണലും യൂറോപ്പാ കപ്പിന്റെ ക്വാര്ട്ടറില് കടന്നു. ഉക്രൈന് ക്ലബ്ബ് ഡൈനാമോ കീവിനെ 5-0ത്തിന് തോല്പ്പിച്ചാണ് ചെല്സിയുടെ ജയം. ഒലിവിയെ ജിറൂദിന്റെ ഹാട്രിക്ക് മികവിലാണ് ചെല്സിയുടെ ജയം.ഇരുപാദങ്ങളിലുമായി ചെല്സി 8-0ത്തിന്റെ ജയമാണ് നേടിയത്. ആലോന്സോ, ഹഡ്സന് ഒഡോയി എന്നിവരാണ് മറ്റ് സ്കോറര്മാര്.5, 33, 59 മിനിറ്റുകളിലാണ് ജിറൂദിന്റെ ഗോളുകള്. ആലോന്സോ 45ാം മിനിറ്റിലും പുതുമുഖ ഫ്രഞ്ച് താരം ഒഡോയി 78ാം മിനിറ്റിലും ഗോള് നേടി.
ഫ്രഞ്ച് ക്ലബ്ബ് റെന്നീസിനെ ഇരുപാദങ്ങളിലുമായി 4-3ന് തോല്പ്പിച്ചാണ് ആഴ്സണല് ക്വാര്ട്ടറില് കടന്നത്.ആദ്യപാദത്തില് 3-1ന് തോറ്റ ആഴ്സണല് രണ്ടാം പാദത്തില് മൂന്ന് ഗോള് തിരിച്ചടിച്ച് വിജയം സ്വന്തമാക്കുകയായിരുന്നു. 15 മിനിറ്റിനിടെയാണ് ആഴ്സണല് മൂന്ന് ഗോളുകള് അടിച്ചത്. അബാമെയങ്(5, 72),മെയ്റ്റ്ലാന്റ് നൈല്സ്(15) എന്നിവരാണ് ആഴ്സണലിനായി ഗോള് നേടിയവര്.