വരുന്നു ഇറ്റലി-അര്ജന്റീനാ പോരാട്ടം
1985ലും 1993ലും സമാനമായ മല്സരം നടന്നിരുന്നു.
റോം; യൂറോ കപ്പ് നേടിയ ഇറ്റലിയും കോപ്പാ അമേരിക്ക നേടിയ അര്ജന്റീനയും തമ്മില് ഏറ്റുമുട്ടുന്നു. ആരാധകര് സ്വപ്നത്തിലെങ്കിലും ആഗ്രഹിച്ചിരിക്കും ഈയൊരു പോരാട്ടം. എന്നാല് ഇത് സാക്ഷാല്ക്കരിക്കാനാണ് കോനമെബോളിന്റെയും യുവേഫായുടെയും ശ്രമം. അന്തരിച്ച ഇതിഹാസ താരം ഡിഗോ മറഡോണയുടെ സ്മരണയ്ക്കായാണ് ഈയൊരു പോരാട്ടം നടത്തുന്നത്. സൂപ്പര് കപ്പ് എന്ന മല്സരം 2022 ഖത്തര് ലോകകപ്പിന് മുന്നേ നടക്കും. മറഡോണ കരിയറിന്റെ പകുതിയിലധികം ചെലവഴിച്ച ക്ലബ്ബ് നപ്പോളിയുടെ സ്റ്റേഡിയമായ ഡിഗോ അര്മാദോ മറഡോണയില് വച്ചാണ് മല്സരം അരങ്ങേറുക.
1985ലും 1993ലും സമാനമായ മല്സരം നടന്നിരുന്നു. 85ല് ഫ്രാന്സ് ഉറുഗ്വെയെ തോല്പ്പിച്ചപ്പോള് 1993ല് അര്ജന്റീന ഡെന്മാര്ക്കിനെയും വീഴ്ത്തിയിരുന്നു.