56ാം കരിയര് ഹാട്രിക്കുമായി റോണോ
സീരി എയില് കാഗലിയാരിക്കെതിരേ നടന്ന മല്സരത്തിലാണ് റൊണാള്ഡോ ഹാട്രിക്ക് നേടിയത്. ഇറ്റാലിയന് ലീഗില് താരത്തിന്റെ ആദ്യഹാട്രിക്കാണിത്.
റോം: തന്റെ കരിയറിലെ 56ാം ഹാട്രിക്കുമായി ക്രിസ്റ്റ്യാനോ റൊണാള്ഡോ. സീരി എയില് കാഗലിയാരിക്കെതിരേ നടന്ന മല്സരത്തിലാണ് റൊണാള്ഡോ ഹാട്രിക്ക് നേടിയത്. ഇറ്റാലിയന് ലീഗില് താരത്തിന്റെ ആദ്യഹാട്രിക്കാണിത്. ഹാട്രിക്ക് നേട്ടത്തോടെ യുവന്റസ് 4-0ന് കാഗലിയാരിയെ തോല്പ്പിച്ചു. 49, 67, 82 മിനിറ്റുകളിലാണ് ക്രിസ്റ്റിയുടെ ഗോള് നേട്ടം.
നാലാം ഗോള് ഹിഗ്വിയന്റെ വകയായിരുന്നു. ജയത്തോടെ ഒന്നാം സ്ഥാനത്തുള്ള ഇന്റര്മിലാനൊപ്പം യുവന്റസിനും 45 പോയിന്റായി. ഗോള് ശരാശരിയില് ഇന്ററാണ് മുന്നില്. മറ്റൊരു മല്സരത്തില് ഇന്റര്മിലാന് നപ്പോളിയെ 3-1ന് തോല്പിച്ചു. എസി മിലാന്സംമ്പഡോറിയ മല്സരം ഗോള് രഹിത സമനിലയില് കലാശിച്ചു. മല്സരത്തില് സാള്ട്ടണ് ഇബ്രാ എസി മിലാനായി അരങ്ങേറി.