മാനഭംഗക്കേസ്; റൊണാള്‍ഡോയ്‌ക്കെതിരേ 56 മില്ല്യണ്‍ യൂറോ ആവശ്യപ്പെട്ട് യുവതി
യുവതിക്ക് 2010ല്‍ നഷ്ടപരിഹാരവും നല്‍കിയിരുന്നു.
ടൂറിന്‍: ക്രിസ്റ്റ്യാനോ റൊണാള്‍ഡോയ്‌ക്കെതിരേ 56 മില്ല്യണ്‍ യൂറോ ആവശ്യപ്പെട്ട് യുവതി. 2009ല്‍ താരത്തിനെതിരേ മാനഭംഗക്കേസ് നല്‍കിയ ക്ലബ്ബ് ഡാന്‍സറായ മയോര്‍ഗയാണ് നഷ്ടപരിഹാരം ആവശ്യപ്പെട്ട് കേസ് ഫയല്‍ ചെയ്തത്. ഇത്രയും വര്‍ഷം സഹിച്ച അപമാനത്തിനും വേദനയ്ക്കും നഷ്ടപരിഹാരം വേണമെന്നാണ് യുവതിയുടെ ആവശ്യം. എന്നാല്‍ കോടതിക്ക് പുറത്ത് ഈ കേസ് അവസാനിപ്പിച്ചതാണെന്ന് റൊണാള്‍ഡോയുടെ അഭിഭാഷകന്‍ അറിയിച്ചു. യുവതിക്ക് 2010ല്‍ നഷ്ടപരിഹാരവും നല്‍കിയിരുന്നു.2009ല്‍ നടന്ന ഒരു പാര്‍ട്ടിക്കിടെ റൊണാള്‍ഡോ തന്നെ മാനഭംഗപ്പെടുത്തിയെന്നാണ് യുവതിയുടെ ആരോപണം. നേരത്തെ റൊണാള്‍ഡോ ആരോപണം തള്ളിയിരുന്നു.