ലോകകപ്പ്; ഇംഗ്ലണ്ടിനെതിരേ തകര്‍പ്പന്‍ ജയവുമായി ഇന്ത്യ
ഇന്ത്യയ്ക്കായി മുഹമ്മദ് ഷമി നാലും ഭുവനേശ്വര്‍ കുമാര്‍ രണ്ടും വിക്കറ്റ് നേടി.
ദുബയ്: ലോകകപ്പ് മല്‍സരത്തിന് മുന്നോടിയായുള്ള സന്നാഹമല്‍സരത്തില്‍ ഇംഗ്ലണ്ടിനെതിരേ ഇന്ത്യക്ക് ഏഴ് വിക്കറ്റ് ജയം. ഇംഗ്ലണ്ട് ഉയര്‍ത്തിയ 189 റണ്‍സ് ആറ് പന്ത് ശേഷിക്കെ ഇന്ത്യ മറികടന്നു. മൂന്ന് വിക്കറ്റ് നഷ്ടത്തില്‍ ഇന്ത്യ 192 റണ്‍സ് നേടിയാണ് വിജയം കൈവരിച്ചത്. ഇഷാന്‍ കിഷന്‍ (46 പന്തില്‍ 70), കെ എല്‍ രാഹുല്‍ (24 പന്തില്‍ 51) എന്നിവരുടെ വെടിക്കെട്ട് പ്രകടനമാണ് ഇന്ത്യക്ക് തകര്‍പ്പന്‍ ജയമൊരുക്കിയത്. ഋഷഭ് പന്ത് 14 പന്തില്‍ 29 റണ്‍സെടുത്തു.
ആദ്യം ബാറ്റ് ചെയ്ത ഇംഗ്ലണ്ടിനായി ജോണി ബെയര്‍സ്‌റ്റോ 49 ഉം ലിയാം ലിവിങ്‌സ്റ്റണ്‍ 30ഉം മോയിന്‍ അലി 43ഉം റണ്‍സ് നേടി. ഇന്ത്യയ്ക്കായി മുഹമ്മദ് ഷമി നാലും ഭുവനേശ്വര്‍ കുമാര്‍ രണ്ടും വിക്കറ്റ് നേടി.