സയ്യിദ് മുഷ്താഖ് അലി ട്രോഫി; കേരളത്തിന് വീണ്ടും തോല്‍വി
ഗ്രൂപ്പ് ഇയില്‍ അഞ്ച് മല്‍സരങ്ങളും ജയിച്ച് ഹരിയാന നോക്കൗട്ട് റൗണ്ടില്‍ പ്രവേശിച്ചു.
വാംഖഡെ: സയ്യിദ് മുഷ്താഖ് അലി ട്രോഫിയില്‍ കേരളത്തിന് വീണ്ടും തോല്‍വി. കഴിഞ്ഞ മല്‍സരത്തില്‍ ആന്ധ്രയോട് തോറ്റ കേരളം ഇന്ന് ഹരിയാനയോടും തോറ്റു. തോല്‍വി കേരളത്തിന്റെ നോക്കൗട്ട് പ്രതീക്ഷകള്‍ക്ക് തിരിച്ചടിയായി. ഇന്ന് നടന്ന നിര്‍ണ്ണായക മല്‍സരത്തില്‍ ഹരിയാന ഉയര്‍ത്തിയ 199 റണ്‍സ് പിന്‍തുടര്‍ന്ന കേരളം 194 റണ്‍സിന് പുറത്തായി. സച്ചിന്‍ ബേബി (68), സഞ്ജു സാംസണ്‍ (51) എന്നിവര്‍ അര്‍ദ്ധസെഞ്ചുറി നേടിയെങ്കിലും ജയം എത്തിപ്പിടിക്കാന്‍ കേരളത്തിന് ആയില്ല. മുഹമ്മദ് അസ്ഹറുദ്ദീന് 35 റണ്‍സ് നേടി. ഗ്രൂപ്പ് ഇയില്‍ അഞ്ച് മല്‍സരങ്ങളും ജയിച്ച് ഹരിയാന നോക്കൗട്ട് റൗണ്ടില്‍ പ്രവേശിച്ചു. അഞ്ച് മല്‍സരങ്ങളില്‍ മൂന്ന് മല്‍സരങ്ങള്‍ ജയിച്ച കേരളത്തിന് 12 പോയിന്റാണുള്ളത്.