വെള്ളിത്തിരയില്‍ ഓള്‍ റൗണ്ടിങ് പ്രകടനവുമായി ഇര്‍ഫാന്‍ പഠാന്‍; കോബ്രയുടെ ട്രയലര്‍ പുറത്ത്

റിയാദ്: മുന്‍ ഇന്ത്യന്‍ ഓള്‍ റൗണ്ടര്‍ ഇര്‍ഫാന്‍ പഠാന്റെ ക്രിക്കറ്റിലെ ക്ലാസ്സിക്ക് ഇന്നിങ്‌സുകള്‍ ആരാധകര്‍ക്ക് മറക്കാന്‍ കഴിയാത്തവയാണ്.ഇപ്പോളിതാ വെള്ളിത്തിരയില്‍ തകര്‍പ്പന്‍ പ്രകടനവുമായി താരം എത്തുകയാണ്. തമിഴ് സിനിമ ക്രോബ്രയിലാണ് താരം അരങ്ങ് തകര്‍ക്കുന്നത്. ക്രോബ്രയുടെ ട്രെയലര്‍ ഇന്ന് പുറത്തിറങ്ങി. പഠാന്റെ അഭിനയത്തെ പുകഴ്ത്തി നിരവധി ഇന്ത്യന്‍ താരങ്ങളാണ് രംഗത്തെത്തിയിരിക്കുന്നത്.

 വിക്രം ആണ് ചിത്രത്തില്‍ നായകനായെത്തുന്നത്.ഇര്‍ഫാനും ചിത്രത്തില്‍ പ്രധാന വേഷമാണ് കൈകാര്യം ചെയ്യുന്നത്. ശ്രീനിധി ഷെട്ടി, മൃണാളിനി രവി, മലയാളി താരങ്ങളായ മിയാ ജോര്‍ജ്ജ്, റോഷന്‍ മാത്യു എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.