കറാച്ചി: സ്കോട്ട്ലന്റ് മുന് ക്രിക്കറ്റ് താരത്തിനും കൊറോണ സ്ഥിരീകരിച്ചു. പാക് വംശജനായ മജീദ് ഹഖിനാണ് കൊറോണ സ്ഥിരീകരിച്ചത്. 2006 മുതല് 2015 വരെ സ്കോട്ട്ലന്റിനെ വേണ്ടി മജീദ് കളിച്ചിരുന്നു. 37കാരനായ മജീദ് അവസാനമായി കളിച്ചത് 2015 ലോകകപ്പിലാണ്. താരം തന്നെയാണ് ട്വിറ്ററിലൂടെ രോഗ വിവരം വെളിപ്പെടുത്തിയത്. സ്കോട്ട്ലന്റില് 300 പേര്ക്ക് രോഗം സ്ഥിരീകരിച്ചിട്ടുണ്ട്. അതിനിടെ ഇംഗ്ലണ്ടിലും വെയ്ല്സിലും മെയ് 28 വരെ എല്ലാ ഫോര്മാറ്റിലുള്ള ക്രിക്കറ്റ് മല്സരങ്ങളും നിര്ത്തിവച്ചു.