ചെന്നൈക്കും ഇംഗ്ലണ്ടിനും തിരിച്ചടി; സാം കറന് പുറത്ത്
എന്നാല് പ്ലേ ഓഫില് താരത്തെ പരീക്ഷിക്കാനിരിക്കെയാണ് ചെന്നൈയ്ക്ക് തിരിച്ചടി വന്നത്.
ഷാര്ജ: ഇംഗ്ലണ്ട് ഓള് റൗണ്ടറും ചെന്നൈ സൂപ്പര് കിങ്സ് താരവുമായ സാം കറന് ഐപിഎല്ലില് നിന്നും പുറത്ത്. താരത്തിന്റെ പുറംഭാഗത്തേറ്റ പരിക്ക് ഗുരുതരമായതിനെ തുടര്ന്നാണ് പിന്മാറ്റം. സിഎസ്കെ മാനേജ്മെന്റും ഇംഗ്ലണ്ട് ക്രിക്കറ്റ് ബോര്ഡുമാണ് കറന്റെ പിന്മാറ്റം അറിയിച്ചത്. ഇതോടെ ഇംഗ്ലണ്ടിന്റെ ട്വന്റി-20 ലോകകപ്പ് സ്ക്വാഡില് നിന്നും താരം പുറത്തായി. പകരം സാം കറന്റെ സഹോദരന് ടോം കറനെ ടീമില് ഉള്പ്പെടുത്തിയിട്ടുണ്ട്. ഈ സീസണില് ചെന്നൈയ്ക്കായി താരത്തിന് ഫോം കണ്ടെത്താനായിരുന്നില്ല.തുടര്ന്ന് ടീമില് അവസരവും ലഭിച്ചിരുന്നില്ല. എന്നാല് പ്ലേ ഓഫില് താരത്തെ പരീക്ഷിക്കാനിരിക്കെയാണ് ചെന്നൈയ്ക്ക് തിരിച്ചടി വന്നത്.