കന്നി മല്‍സരത്തില്‍ ഡിവോണ്‍ കോണ്‍വെയ്ക്ക് ഡബിള്‍ സെഞ്ചുറി
ഇന്ത്യന്‍ താരം സൗരവ് ഗാംഗുലിയും ഈ നേട്ടത്തിനുടമയാണ്.
ലണ്ടന്‍: ഇംഗ്ലണ്ടിനെതിരായ ആദ്യ ടെസ്റ്റില്‍ ന്യൂസിലന്റിന്റെ ഡിവോണ്‍ കോണ്‍വെയ്ക്ക് ഡബിള്‍ സെഞ്ചുറി. താരത്തിന്റെ കന്നി ടെസ്റ്റ് മല്‍സരത്തിലാണ് സെഞ്ചുറി. കന്നി ടെസ്റ്റില്‍ ഡബിള്‍ സെഞ്ചുറി നേടുന്ന രണ്ടാമത്തെ ന്യുസിലന്റ് താരമാണ് കോണ്‍വെ. ഈ നേട്ടം കൈവരിക്കുന്ന ടെസ്റ്റ് ക്രിക്കറ്റിലെ ഏഴാമത്തെ താരവുമാണ്. ഇന്ത്യന്‍ താരം സൗരവ് ഗാംഗുലിയും ഈ നേട്ടത്തിനുടമയാണ്. ടെസ്റ്റിന്റെ രണ്ടാം ദിനമായ ഇന്ന് 29കാരനായ കോണ്‍വെ 200 റണ്‍സെടുത്ത് റണ്ണൗട്ടായി. ടോസ് നേടി ബാറ്റിങ് തിരഞ്ഞെടുത്ത ന്യൂസിലന്റ് 378 റണ്‍സിന് പുറത്തായി. മറുപടി ബാറ്റിങില്‍ ഇംഗ്ലണ്ട് രണ്ട് വിക്കറ്റ് നഷ്ടത്തില്‍ 45 റണ്‍സെടുത്ത് നില്‍ക്കുന്നു.