കഴിഞ്ഞ ആറ് മാസത്തില് ദുബായില് ഇസ് ലാം മതം സ്വീകരിച്ചത് 3600ലധികം പേര്
ദുബായ്: 2025 ജനുവരി മുതല് ജൂണ് വരെയുള്ള കാലയളവില് ഇസ് ലാമിലേക്കുള്ള പരിവര്ത്തനങ്ങളില് ഗണ്യമായ വര്ദ്ധനവെന്ന് ദുബായിലെ ഇസ്ലാമിക് അഫയേഴ്സ് ആന്ഡ് ചാരിറ്റബിള് ആക്ടിവിറ്റീസ് ഡിപ്പാര്ട്ട്മെന്റിന് കീഴിലുള്ള മുഹമ്മദ് ബിന് റാഷിദ് സെന്റര് ഫോര് ഇസ് ലാമിക് കള്ച്ചര്
കഴിഞ്ഞ ആറ് മാസത്തില് ദുബായില് ഇസ് ലാം മതം സ്വീകരിച്ചത് 3600ലധികം പേര്. 2025 ജനുവരി മുതല് ജൂണ് വരെയുള്ള കാലയളവില് ഇസ് ലാമിലേക്കുള്ള പരിവര്ത്തനങ്ങളില് ഗണ്യമായ വര്ദ്ധനവ് രേഖപ്പെടുത്തിയെന്ന് ദുബായിലെ ഇസ് ലാമിക് അഫയേഴ്സ് ആന്ഡ് ചാരിറ്റബിള് ആക്ടിവിറ്റീസ് ഡിപ്പാര്ട്ട്മെന്റിന് (ഐഎസിഎഡി) കീഴിലുള്ള മുഹമ്മദ് ബിന് റാഷിദ് സെന്റര് ഫോര് ഇസ്ലാമിക് കള്ച്ചര് വ്യക്തമാക്കി. 3,600-ലധികം വ്യക്തികള് ഇക്കാലയളവില് ഇസ് ലാം മതത്തിലേക്ക് മാറിയത്.
മതപരിവര്ത്തനങ്ങള്ക്ക് പുറമെ മുഹമ്മദ് ബിന് റാഷിദ് സെന്റര് ഫോര് ഇസ് ലാമിക് കള്ച്ചറിന്റെ വിദ്യാഭ്യാസ പരിപാടികളില് 1,300-ലധികം വിദ്യാര്ത്ഥികളുടെ പ്രവേശനം രേഖപ്പെടുത്തി.ഇസ് ലാമിക തത്വങ്ങളെയും ആചാരങ്ങളെയും കുറിച്ചുള്ള ഘടനാപരമായ നിര്ദ്ദേശങ്ങള് നല്കുക എന്നതാണ് ഈ പരിപാടികളുടെ ലക്ഷ്യം.
സെന്റര് നടത്തിയ 47 വിജ്ഞാന-അവബോധ കോഴ്സുകളില് 1,400-ലധികം പേര് പങ്കെടുത്തു. മേഖലയില് ഇസ്ലാമിക സംസ്കാരം പ്രോത്സാഹിപ്പിക്കുന്നതിനും മത അവബോധം വര്ദ്ധിപ്പിക്കുന്നതിനുമുള്ള IACAD യുടെ പ്രധാന ശ്രമങ്ങളുടെ ഭാഗമായിരുന്നു ഈ സെഷനുകള്.
പുതിയതായി മതപരിവര്ത്തനം ചെയ്തവരുടെയും ഇസ് ലാമിക സംസ്കാരത്തില് താല്പ്പര്യമുള്ളവരുടെയും ആവശ്യങ്ങള് നിറവേറ്റുന്നതതിനും സഹിഷ്ണുതയിലും അറിവിലും അധിഷ്ഠിതമായ ഇസ്ലാമിക മൂല്യങ്ങള് അവതരിപ്പിക്കുന്നതിനും ലക്ഷ്യമിട്ടുള്ള ഒരു ദര്ശനത്തിന്റെ അടിസ്ഥാനത്തിലാണ് തങ്ങള് പ്രവര്ത്തിക്കുന്നതെന്ന് മുഹമ്മദ് ബിന് റാഷിദ് സെന്റര് ഫോര് ഇസ്ലാമിക് കള്ച്ചറിന്റെ ഡയറക്ടര് ജാസിം അല് ഖസ്രാജി പറഞ്ഞു.