കേരളാ പ്രവാസി ഫോറം യുഎഇ അമ്പതാം ദേശീയ ദിനാഘോഷ പരിപാടി സംഘടിപ്പിച്ചു
സാമൂഹിക സാംസ്കാരിക രംഗത്ത് വ്യക്തിമുദ്ര പതിപ്പിച്ചിട്ടുള്ള വ്യക്തിത്വങ്ങളെ ആദരിക്കുന്നതിനായി 'ആദരവ് 21' എന്ന പരിപാടിയും സംഘടിപ്പിച്ചിട്ടുള്ളതായി ജനറൽ സെക്രട്ടറി അറിയിച്ചു
റാസൽഖൈമ: കേരളാ പ്രവാസി ഫോറം റാസൽഖൈമയുടെ ആഭിമുഖ്യത്തിലുള്ള യുഎഇ അമ്പതാം ദേശീയദിനാഘോഷ പരിപാടികൾ അമ്പത് വൃക്ഷത്തൈകൾ റാസൽഖൈമയുടെ വിവിധ ഭാഗങ്ങളിൽ നട്ടുകൊണ്ട് തുടക്കം കുറിച്ചു. ജനറൽ സെക്രട്ടറി അനൂബ് എളമന ഉദ്ഘാടനം ചെയ്തു.
പരിപാടികൾക്ക് വിവിധ സ്ഥലങ്ങളിൽ നൗഫൽ കല്ലിങ്കൽ, റാജിസ്, ഷർഹബി, ഷമീർ, ഉമർഷംസുദീൻ, മനാഫ്,ഷഫീഖ്, അനസ് എന്നിവർ നേതൃത്വം നൽകി. ദേശീയ ദിനാഘോഷങ്ങളുടെ ഭാഗമായി രക്ത ദാന ക്യാമ്പ്, ചിത്ര രചന, ഫുട്ബോൾ മൽസരങ്ങൾ എന്നിവക്ക് പുറമേ സാമൂഹിക സാംസ്കാരിക രംഗത്ത് വ്യക്തിമുദ്ര പതിപ്പിച്ചിട്ടുള്ള വ്യക്തിത്വങ്ങളെ ആദരിക്കുന്നതിനായി 'ആദരവ് 21' എന്ന പരിപാടിയും സംഘടിപ്പിച്ചിട്ടുള്ളതായി ജനറൽ സെക്രട്ടറി അറിയിച്ചു.