ഉക്രയിന് വിമാനാപകടം: മരിച്ചവരില് ഇന്ത്യക്കാരില്ലെന്ന് അധികൃതര്
മരണപ്പെട്ടവരില് കൂടുതലും ഇറാനികളാണ്. 82 ഇറാനികളാണ് മരിച്ചത്.
ടെഹ്റാന്: പറന്നുയരുന്നതിനിടെ തകര്ന്നുവീണ ഉക്രയിന് ഇന്റര്നാഷനല് എയര് ലൈന് വിമാനാപകടത്തില് മരണപ്പെട്ട യാത്രക്കാരില് ഇന്ത്യക്കാരില്ലെന്ന് വിമാന അധികൃതര് അറിയിച്ചു. മരണപ്പെട്ടവരില് കൂടുതലും ഇറാനികളാണ്. 82 ഇറാനികളാണ് മരിച്ചത്.
മരിച്ചവരില് 63 കനേഡിയക്കാരും 9 വിമാന ജീവനക്കാരും 2 യാത്രക്കാരുമടക്കം 11 പേര് ഉക്രയിന് പൗരന്മാരാണ്. 10 പേര് സ്വീഡന്കാരും 4 അഫ്ഗാനികളും 3 ബ്രിട്ടീഷുകാരും 3 ജര്മന്കാരും അപകടത്തില് മരിച്ചിട്ടുണ്ട്. ഇമാം ഖുമൈനി രാജ്യാന്തര വിമാനത്താവളത്തില്നിന്നും ഉക്രയിനിലേക്ക് 180 യാത്രക്കാരുമായി പോവുയായിരുന്ന ബോയിങ് 737-800 വിമാനമാണ് തകര്ന്നത്.