കുവൈത്തില്‍ രണ്ട് കൊവിഡ് മരണം കൂടി; ഇന്ന് 552 പേര്‍ക്ക് വൈറസ് ബാധ

കുവൈത്ത് സിറ്റി: കൊവിഡ് ബാധയെത്തുടര്‍ന്ന് കുവൈത്തില്‍ രണ്ടുപേര്‍കൂടി മരണപ്പെട്ടു. ഇതോടെ രാജ്യത്ത് വൈറസ് ബാധയെത്തുടര്‍ന്ന് മരണമടഞ്ഞവരുടെ എണ്ണം 592 ആയി. 552 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇന്നുവരെ ആകെ വൈറസ് ബാധയേറ്റവരുടെ എണ്ണം ഒരുലക്ഷം കവിഞ്ഞു. 1,01,851 പേര്‍ക്കാണ് രാജ്യത്ത് ഇതുവരെ കൊവിഡ് ബാധിച്ചത്. രോഗബാധിതരുടെ ആരോഗ്യമേഖല തിരിച്ചുള്ള കണക്ക് ഇപ്രകാരമാണ്.

ഹവല്ലി- 154, അഹമ്മദി- 128, ഫര്‍വാനിയ- 95, കേപിറ്റല്‍- 113, ജഹ്‌റ- 62. ഇന്ന് രോഗമുക്തരായത് 620 പേരാണ്. ആകെ രോഗം സുഖമായവരുടെ എണ്ണം 92,961 ആയി. 8,298 പേരാണു ഇപ്പോള്‍ ചികില്‍സയില്‍ കഴിയുന്നത്. തീവ്രപരിചരണത്തില്‍ കഴിയുന്നവരുടെ എണ്ണം വീണ്ടും നൂറിനു മുകളിലായി- 101. കഴിഞ്ഞ 24 മണിക്കൂറിനിടയില്‍ 4,516 പേര്‍ക്കാണു വൈറസ് പരിശോധന നടത്തിയത്. ഇതോടെ ആകെ പരിശോധന നടത്തിയവരുടെ എണ്ണം 7,25,025 ആയി.