ദോഹ: സ്റ്റുഡന്റസ് ഫ്രറ്റേണിറ്റി ഖത്തറിലെ കുട്ടികള്ക്കായി സംഘടിപ്പിച്ച 'വിന്റര് ഫിയസ്റ്റ-2019' കലാ മല്സരങ്ങള് സമാപിച്ചു. വിവിധ വിഭാഗങ്ങളിലായി നടന്ന വ്യത്യസ്ത മല്സരങ്ങളില് നൂറിലേറെ വിദ്യാര്ഥികള് മാറ്റുരച്ചു. അഫ്സാഹ്, ബിലാല് അബ്ദുല് അസീസ്, ബിനാസ് ബഷീര്, ജുനൈസ് നേതൃത്വം നല്കി. സമാപന സമ്മേളനവും സമ്മാനദാനവും സ്റ്റുഡന്റസ് ഫ്രറ്റേണിറ്റി മുന് ജില്ലാ കോ-ഓഡിനേറ്റര് ഉമര് ബിന് അബ്ദുല് അസീസ് ഉദ്ഘാടനം ചെയ്തു. ജില്ലാ സമിതിയംഗം ഷിബു പി ഷാഹുല്, കോ-ഓഡിനേറ്റര് അഫ്സാഹ് സംസാരിച്ചു.