അജ്മാന്‍: കോഴിക്കോട് പന്തീരാങ്കാവ് സ്വദേശിയും അജ്മാനിലെ താമസക്കാരിയുമായ റഫ്‌സ മഹ്‌റൂഫ് (35) ഉമ്മുല്‍ ഖുവൈനില്‍ കടലില്‍ കുളിക്കുന്നതിനിടെ മുങ്ങി മരിച്ചു. ഇന്ന് രാവിലെയാണ് സംഭവം. എത്തിസലാത്തിലെ ടെക്‌നിക്കല്‍ ജീവനക്കാരനായ ഭര്‍ത്താവ് മഹ്‌റൂഫും രണ്ട് മക്കളുമൊത്ത് കുളിക്കുമ്പോള്‍ അടിയൊഴുക്കില്‍പെടുകയായിരുന്നു.
മൃതദേഹം ഉമ്മുല്‍ഖുവൈന്‍ ആശുപത്രി മോര്‍ച്ചറിയില്‍. മക്കള്‍: ആമിര്‍ മഹറൂഫ്, ഐറ മഹറൂഫ്. പിതാവ്: കോയാദീന്‍ തറമ്മല്‍. മാതാവ്: സഫിയ കുന്നത്ത് കൊടക്കാട്ട്.