കൊവിഡ്: കുവൈത്തില്‍ ഒരുമരണം കൂടി; രോഗികളുടെ എണ്ണത്തില്‍ ഇന്നും വന്‍ വര്‍ധന

കുവൈത്ത് സിറ്റി: കുവൈത്തില്‍ കൊവിഡ് ബാധയെത്തുടര്‍ന്ന് ഒരാള്‍ കൂടി മരിച്ചു. ഇതോടെ രാജ്യത്ത് വൈറസ് ബാധയെ തുടര്‍ന്ന് മരണപ്പെട്ടവരുടെ എണ്ണം 537 ആയി. രോഗികളുടെ എണ്ണത്തില്‍ ഇന്നും വന്‍ വര്‍ധനവാണുണ്ടായത്. 865 പേര്‍ക്കാണ് ഇന്ന് രോഗബാധ സ്ഥിരീകരിച്ചത്. ഇതടക്കം ഇന്നുവരെ ആകെ വൈറസ് ബാധയേറ്റവരുടെ എണ്ണം 88,243 ആയി.

ഇന്ന് 626 പേരാണ് രോഗമുക്തരായത്. ഇതോടെ ആകെ രോഗം സുഖമായവരുടെ എണ്ണം 79,417 ആയി. ആകെ 8,289 പേരാണ് ഇപ്പോള്‍ ചികില്‍സയില്‍ കഴിയുന്നത്. തീവ്രപരിചരണത്തില്‍ കഴിയുന്നവരുടെ എണ്ണം നൂറില്‍ താഴെയായി കുറഞ്ഞു (94). കഴിഞ്ഞ 24 മണിക്കൂറിനിടയില്‍ 4,738 പേര്‍ക്ക് വൈറസ് പരിശോധന നടത്തി. ആകെ 6,36,220 പേര്‍ക്കാണ് ഇതുവരെ പരിശോധന നടത്തിയിട്ടുള്ളത്.