ഒമാനില്‍ ഇന്ന് 576 പേര്‍ക്ക് കൂടി കൊവിഡ്
രാജ്യത്ത് വൈറസ് ബാധിച്ചവരുടെ എണ്ണം 12,799 ആയി
മസ്‌കത്ത്: ഒമാനില്‍ ഇന്ന് പുതുതായി 576 പേര്‍ക്ക് കൂടി കൊവിഡ് 19 സ്ഥിരീകരിച്ചു. ഇതില്‍ 209 ഒമാനികളും 367 പേര്‍ വിദേശികളുമാണ്. ഇതോടെ രാജ്യത്ത് വൈറസ് ബാധിച്ചവരുടെ എണ്ണം 12,799 ആയി. ഇതില്‍ 2812 പേര്‍ സുഖം പ്രാപിച്ചുവെന്നും ഒമാന്‍ ആരോഗ്യമന്ത്രാലയം പറയുന്നു.
അതേസമയം, ഒമാനില്‍ ഇന്ന് കൊവിഡ് ബാധിച്ച് ഒമ്പത് പേരാണ് മരിച്ചത്. ഇതോടെ മൂന്നു മലയാളികളടക്കം രാജ്യത്ത് കൊവിഡ് മൂലം മരണപ്പെട്ടവരുടെ എണ്ണം 59 ആയി ഉയര്‍ന്നു.