കൊറോണ: ഖത്തറില് മൂന്നുപേര് രോഗവിമുക്തരായെന്ന് ആരോഗ്യമന്ത്രാലയം
നാല് പേരാണ് രോഗവിമുക്തരായതെന്ന് പകര്ച്ചവ്യാധി കേന്ദ്രത്തിലെ മെഡിക്കല് ഡയറക്ടര് ഡോ. മുന അല് മസ്ലമാനി പറഞ്ഞു.
ദോഹ: ഖത്തറില് കൊറോണ വൈറസ് ബാധ സ്ഥിരീകരിച്ചവരില് മൂന്നുപേര് രോഗവിമുക്തരായതായി ആരോഗ്യമന്ത്രാലയം വാര്ത്താസമ്മേളനത്തില് അറിയിച്ചു. ജോര്ദാന്, ഫിലിപ്പീന്സ്, സുഡാന്, ഇറാന് എന്നീ രാജ്യക്കാരാണ് രോഗവിമുക്തരായതെന്ന് പകര്ച്ചവ്യാധി കേന്ദ്രത്തിലെ മെഡിക്കല് ഡയറക്ടര് ഡോ. മുന അല് മസ്ലമാനി പറഞ്ഞു.
പകര്ച്ചവ്യാധി കേന്ദ്രത്തിലുള്ള മുഴുവന് രോഗികളുടെയും ആരോഗ്യസ്ഥിതി തൃപ്തികരമാണെന്നും അദ്ദേഹം അറിയിച്ചു. കൊറോണ ബാധിച്ച് രാജ്യത്ത് ഇതുവരെ ആരും മരിച്ചിട്ടില്ല. രോഗം ഭേദമായ ഫിലിപ്പിനോ ഇറാനില്നിന്നെത്തിയ ആദ്യഗ്രൂപ്പില്പ്പെട്ടവരാണ്.