റിയാദ്: കൊറോണ വൈറസ് വ്യാപകമായി പടരുന്ന സാഹചര്യത്തില്‍ സൗദി അറേബ്യ യുഎഇ അടക്കം 9 രാജ്യക്കാര്‍ക്ക് വിലക്ക് ഏര്‍പ്പെടുത്തി. കുവൈത്ത്, ബഹ്‌റൈന്‍ എന്നീ ജിസിസി രാജ്യങ്ങളില്‍ നിന്നുള്ളവര്‍ക്കും നിരോധനം ഏര്‍പ്പെടുത്തിയിട്ടുണ്ട്. ഈജിപ്ത്, ലബനാന്‍, ഇറ്റലി, ദക്ഷിണ കൊറിയ, സിറിയ, ഇറാഖ് എന്നീ രാജ്യങ്ങളില്‍ നിന്നുള്ളവര്‍ക്കും സൗദി അറേബ്യ യാത്ര നിരോധനം ഏര്‍പ്പെടുത്തിയിട്ടുണ്ട്. തിങ്കളാഴ്ച മുതല്‍ ഒരു മുന്നറിയിപ്പ് ഉണ്ടാകുന്നത് വരെ സൗദിയിലെ എല്ലാ വിദ്യാലയങ്ങള്‍ക്കും അവധിയും പ്രഖ്യാപിച്ചിട്ടുണ്ട്. ആറായിരത്തോളം കായിക താരങ്ങള്‍ പങ്കെടുക്കുന്ന ഈ മാസം 23 ന് ആരംഭിക്കുന്ന സൗദി ഗെയിംസും മാറ്റി വെച്ചിരിക്കുകയാണ്.