ദോഹ: ഖത്തറില് ഐടി എന്ജിനീയറായ തൃശൂര് പാവറട്ടി സ്വദേശി വലിയകത്ത് റഖീബ്(35) ഖത്തറില് നിര്യാതനായി. പരേതനായ ചക്കനാത്ത് സൈനുദ്ദീന്റെയും ഹവ്വയുടെയും മകനാണ്. ആറ് ദിവസം മുമ്പ് ഓഫിസ് കഴിഞ്ഞ് വീട്ടിലെത്തിയ റഖീബ് വൈകീട്ട് വക്റ ബീച്ചില് നടക്കാനിറങ്ങിയപ്പോള് കുഴഞ്ഞു വീഴുകയായിരുന്നു. ഹൃദയാഘാതത്തെ തുടര്ന്ന് വക്റ ആശുപത്രിയില് ചികില്സയിലിരിക്കേയാണ് മരിച്ചത്. ഭാര്യ: ശബാന. മകന്: ഫസാന് റഖീബ്. ഹമദ് തുറമുഖ പദ്ധതിയുമായി ബന്ധപ്പെട്ട് സലാം ടെക്നോളജിയില് നെറ്റ്വര്ക്ക് എന്ജിനീയറായിരുന്നു റഖീബ്. മൃതദേഹം മിസൈമീര് ഖബര്സ്ഥാനില് ്അടക്കം ചെയ്തു.