ടാറ്റൂ ചെയ്യുന്നതിനിടെ ഹൃദയാഘാതം വന്ന് സോഷ്യല് മീഡിയ ഇന്ഫ്ലുവന്സര് മരിച്ചു
സാവോപോളോ: പ്രശസ്ത സോഷ്യല് മീഡിയ ഇന്ഫ്ലുവന്സര് റിക്കാര്ഡോ ഗോഡോയ് (45) ടാറ്റൂ ചെയ്യുന്നതിനിടെ മരിച്ചു. ബ്രസീലിയന് ഓട്ടോ ഇന്ഫ്ലുവന്സറായ ഇദ്ദേഹം ടാറ്റൂ ചെയ്യുന്നതിനിടെ ഹൃദയാഘാതം മൂലമാണ് മരിച്ചത്. അദ്ദേഹത്തിന് ടാറ്റൂ ചെയ്യുന്നതിനായുള്ള നടപടിക്രമങ്ങളുടെ തുടക്കത്തില് തന്നെ ഹൃദ്രോഗത്തിന്റെ ലക്ഷണങ്ങള് കണ്ടിരുന്നതായാണ് റിപ്പോര്ട്ട്. ടാറ്റൂ ചെയ്യുന്നതിന് മുന്നോടിയായി അദ്ദേഹത്തിന് ജനറല് അനസ്തേഷ്യ നല്കിയിരുന്നു. അതേസമയം, റിക്കാര്ഡോ ഗോഡോയ് പങ്കുവെച്ച അവസാന പോസ്റ്റില് താന് ഒരു ശസ്ത്രക്രിയയ്ക്ക് വിധേയനാകുകയാണെന്നും വൈകുന്നേരം 4 മണിക്ക് ശേഷം മാത്രമേ തിരിച്ചെത്തുകയുള്ളൂവെന്നും അറിയിച്ചിരുന്നു.