യുഎഇയെ ലക്ഷ്യം വച്ചുള്ള ഇറാനിയന് ഡ്രോണുകളെ തങ്ങളുടെ യുദ്ധവിമാനങ്ങള് നിര്വീര്യമാക്കി: ഫ്രാന്സ് വിദേശകാര്യമന്ത്രി
പാരിസ്: യുഎഇയെ ലക്ഷ്യം വച്ചുള്ള ഇറാനിയന് ഡ്രോണുകളെ ഫ്രഞ്ച് റാഫേല് യുദ്ധവിമാനങ്ങള് നിര്വീര്യമാക്കിയതായി ഫ്രാന്സിന്റെ വിദേശകാര്യ മന്ത്രി ജീന്-നോയല് ബാരറ്റ്. നൂറുകണക്കിന് ഫ്രഞ്ച് നാവിക, വ്യോമ, സൈനിക ഉദ്യോഗസ്ഥര് താവളമടിക്കുന്ന ഇടമാണ് യുഎഇ. ഇറാനിയന് ആക്രമണങ്ങളില് നിന്ന് താവളങ്ങളെ സംരക്ഷിക്കുന്നതിനായി അബുദാബിക്ക് സമീപമുള്ള ദഫ്ര ബേസില് നിലയുറപ്പിച്ചിരിക്കുന്ന ജെറ്റുകള് ഫ്രാന്സ് യുഎഇക്ക് മുകളില് വിന്യസിച്ചിട്ടുണ്ടെന്ന് ബാരറ്റ് പറഞ്ഞിരുന്നു. സംഘര്ഷം രൂക്ഷമാകുന്നതിന് മറുപടിയായി ഫ്രാന്സ് തങ്ങളുടെ മുന്നിര വിമാനവാഹിനിക്കപ്പല് മെഡിറ്ററേനിയനിലേക്ക് അയയ്ക്കുകയാണെന്ന് പ്രസിഡന്റ് മാക്രോണ് പ്രഖ്യാപിച്ചിരുന്നു.