കൊവിഡ്: യുഎഇയില്‍ ഇന്ന് രണ്ട് മരണം

ദുബായ്: കൊവിഡ് 19 വൈറസ് ബാധിച്ച് യുഎഇയില്‍ ഇന്ന് രണ്ടുപേര്‍ മരിച്ചു. ഇതോടെ രാജ്യത്തെ മൊത്തം മരണസംഖ്യ 203 ആയി.

അതേസമയം, 783 പേര്‍ക്കുകൂടി പുതുതായി കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. 19,661 ആണ് രോഗബാധിതരുടെ ആകെ എണ്ണം. ഇന്നത്തെ കണക്കുകള്‍ പ്രകാരം 631 പേര്‍ക്ക് അസുഖം പൂര്‍ണമായും ഭേദപ്പെട്ടിട്ടുണ്ട്. 1012 ആണ് രോഗമുക്തി നേടിയവരുടെ ആകെ എണ്ണം.