ന്യൂസിലാന്‍ഡ് വെടിവെപ്പ്: മലയാളിയടക്കം അഞ്ച് ഇന്ത്യക്കാരുടെ മരണം സ്ഥിരീകരിച്ചു
ന്യൂസിലന്‍ഡിലെ രണ്ട് മസ്ജിദുകളിലുണ്ടായ വെടിവെപ്പില്‍ കാണാതായ ഒന്‍പത് ഇന്ത്യക്കാരില്‍ മലയാളിയുല്‍പ്പെടെ അഞ്ചു ഇന്ത്യക്കാരുടെ മരണം സ്ഥിരീകരിച്ചു.
ന്യൂഡല്‍ഹി: ന്യൂസിലന്‍ഡിലെ രണ്ട് മസ്ജിദുകളിലുണ്ടായ വെടിവെപ്പില്‍ കാണാതായ ഒന്‍പത് ഇന്ത്യക്കാരില്‍ മലയാളിയുല്‍പ്പെടെ അഞ്ചു ഇന്ത്യക്കാരുടെ മരണം സ്ഥിരീകരിച്ചു. ന്യൂസിലന്‍ഡിലെ ഇന്ത്യന്‍ ഹൈക്കമ്മിഷണറാണ് ഈ കാര്യം സ്ഥരീകരിച്ച് ട്വീറ്റ് ചെയ്തത്. മലയാളിയായ ആന്‍സില അലിബാവ,മെഹബൂബകോഖര്‍,റമീസ് വോറ,ആസിഫ് വോറ,ഒസൈര്‍ കദിര്‍ എന്നിവരാണ് മരിച്ച ഇന്ത്യക്കാര്‍.കുടുംബാംഗങ്ങളെ സഹായിക്കാനായി ഹെല്‍പ് ലൈന്‍ നമ്പറും ആരംഭിച്ചിട്ടുണ്ട്.021803899,021850033 എന്ന ഹെല്‍പ് ലൈന്‍ നമ്പറുകള്‍ 24 മണിക്കൂറും പ്രവര്‍ത്തിക്കുന്നതായിരിക്കും.