തിരുവനന്തപുരത്ത് പോലിസിനെ കണ്ട് കായലില് ചാടിയ യുവാവ് മരിച്ചു
തിരുവനന്തപുരം അഞ്ചുതെങ്ങ് കായിക്കര പാലത്തിന് സമീപമാണ് സംഭവം. പഴഞ്ചിറ സ്വദേശി സാജനാണ് മരിച്ചത്.
തിരുവനന്തപുരം: പോലിസ് വരുന്നതുകണ്ട് ഭയന്ന് കായലിലേക്ക് ചാടിയ യുവാവ് മരിച്ചു. തിരുവനന്തപുരം അഞ്ചുതെങ്ങ് കായിക്കര പാലത്തിന് സമീപമാണ് സംഭവം. പഴഞ്ചിറ സ്വദേശി സാജനാണ് മരിച്ചത്.
സംഭവസ്ഥലത്ത് ചീട്ടുകളിച്ചുകൊണ്ടിരുന്ന യുവാവ് പോലിസിനെ കണ്ടതോടെ ഭയന്നോടുകയും കായലിലേക്ക് എടുത്തുചാടുകയുമായിരുന്നുവെന്നാണ് നാട്ടുകാര് പറയുന്നത്. ഇയാളെ ഉടന് ചിറയന്കീഴ് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മരിച്ച യുവാവിനെക്കുറിച്ച് വിവരമൊന്നും ലഭിച്ചിട്ടില്ലെന്ന് ആശുപത്രി അധികൃതര് അറിയിച്ചു.