മുള്ളന്പന്നിയുടെ മാംസം വില്പന നടത്തിയ സംഘത്തിലെ ഒരാള് അറസ്റ്റില്
കുട്ടമ്പുഴ, ഉരുള്തണ്ണി വനമേഖലകളില് വ്യാപകമായി നായാട്ട് നടക്കുന്നുണ്ടെന്ന വിവരത്തെ തുടര്ന്ന് പരിശോധന കര്ശനമാക്കിയതോടെയാണ് സംഘം വലയിലായത്.
കോതമംഗലം: മുള്ളന് പന്നിയെ കൊന്ന് മാംസ വില്പ്പന നടത്തുന്ന സംഘത്തിലെ ഒരാളെ വനപാലകര് പിടികൂടി. പിണവൂര്ക്കുടി സ്വദേശി ആലയ്ക്കല് സുരേഷിനെയാണ് 2 കിലോ ഇറച്ചിയുമായി പിടികൂടിയത്. ഒരാള് ഓടി രക്ഷപെട്ടു. ഇറച്ചി ഉണക്കി സൂക്ഷിച്ച നിലയിലായിരുന്നു. കൂടെയുള്ളയാള്ക്കായി തെരച്ചില് ഊര്ജ്ജിതമാക്കി.
കുട്ടമ്പുഴ, ഉരുള്തണ്ണി വനമേഖലകളില് വ്യാപകമായി നായാട്ട് നടക്കുന്നുണ്ടെന്ന വിവരത്തെ തുടര്ന്ന് പരിശോധന കര്ശനമാക്കിയതോടെയാണ് സംഘം വലയിലായത്.