വയനാട് സ്വദേശി ഇസ്രായേലില് മരിച്ച നിലയില്; 80 കാരിയെ കൊലപ്പെടുത്തിയ ശേഷം ജീവനൊടുക്കിയെന്ന് സംശയം
കല്പ്പറ്റ: വയനാട് ബത്തേരി സ്വദേശിയായ യുവാവ് ഇസ്രയേലില് മരിച്ച നിലയില്. കെയര് ഗിവറായി ജോലി ചെയ്തിരുന്ന കോളിയാടി സ്വദേശി ജിനേഷ് പി. സുകുമാരനെയാണ് ജറുസലേമിലെ മേനസരാത്ത് സീയോനിയില് മരിച്ച നിലയില് കണ്ടെത്തിയത്.
ഒരു മാസം മുമ്പാണ് ജിനേഷ് കെയര് ഗിവറായി ഇസ്രയേലില് എത്തിയത്. ജോലി ചെയ്യുന്ന വീട്ടിലെ എണ്പതുകാരിയെ കുത്തിക്കൊലപ്പെടുത്തിയ ശേഷം ആത്മഹത്യ ചെയ്യുകയായിരുന്നുവെന്നാണ് ലഭ്യമായ വിവരം. വെള്ളിയാഴ്ച ഉച്ചയോടെ ദേഹം മുഴുവന് കുത്തേറ്റ് മരിച്ച നിലയില് വയോധികയെ കണ്ടെത്തുകയായിരുന്നു. തൊട്ടടുത്ത മുറിയില് തൂങ്ങിയ നിലയിലായിരുന്നു ജിനേഷ്.