നരസിപ്പുഴ കരകവിഞ്ഞൊഴുകുന്നു; പ്രദേശവാസികളെ ഒഴിപ്പിച്ചു
രാത്രിയോടെ പുഴയോരത്തെ കൂടുതല് സ്ഥലങ്ങളിലേക്ക് വെള്ളം കയറിയതോടെ നിരവധി പേരെ വീണ്ടും ക്യാംപുകളിലേക്ക് മാറ്റി.
കല്പ്പറ്റ: സുല്ത്താന് ബത്തേരി താലൂക്കിലെ നടവയല് ചിങ്ങോട് നരസിപ്പുഴ കരകവിഞ്ഞൊഴുകുന്നു. രാത്രിയോടെ പുഴയോരത്തെ കൂടുതല് സ്ഥലങ്ങളിലേക്ക് വെള്ളം കയറിയതോടെ നിരവധി പേരെ വീണ്ടും ക്യാംപുകളിലേക്ക് മാറ്റി.
പേരൂര് അമ്പലക്കോളനിയുള്പ്പടെ വയലുകളിലേക്ക് വെള്ളം കയറിയതിനെത്തുടര്ന്ന് 50 ഓളം വീട്ടുകാരെ മാറ്റിപ്പാര്പ്പിച്ചിരിക്കുകയാണ്. സുല്ത്താന് ബത്തേരി മേഖലയില് പെയ്ത കനത്ത മഴയെത്തുടര്ന്നാവാം ജലനിരപ്പ് ഉയര്ന്നതെന്നാണ് സംശയിക്കുന്നത്. രാത്രിയില് പെട്ടെന്നാണ് പുഴയിലെ ജലനിരപ്പ് ഉയര്ന്നത്.