മോഷണക്കേസ് പ്രതികൾ ക്വാറൻ്റൈൻ കേന്ദ്രത്തിൽ നിന്ന് ചാടിപ്പോയി
ഇന്ന് പുലർച്ചെ രണ്ടോടെ ആശുപത്രിയുടെ വെൻറിലേറ്റർ പൊളിച്ചാണ് ഇരുവരും രക്ഷപ്പെട്ടത്.
തിരുവനന്തപുരം: ക്വാറൻ്റൈൻ കേന്ദ്രത്തിൽ നിന്ന് മോഷണക്കേസ് പ്രതികൾ ചാടിപ്പോയി. നെയ്യാറ്റിൻകര പള്ളിച്ചൽ കുളങ്ങരക്കോണം മേലേ പുത്തൻവീട് കാക്ക അനീഷ് (27), കൊല്ലം ചിതറ വളവുപച്ച തടത്തരികത്ത് വീട്ടിൽ മുഹമ്മദ് ഷാൻ (18) എന്നിവരാണ് വർക്കല സ്റ്റേഷൻ പരിധിയിലെ അകത്തുമുറി എസ്ആർ മെഡിക്കൽ കോളജിൽ പ്രവർത്തിക്കുന്ന നിരീക്ഷണ കേന്ദ്രത്തിൽ നിന്നും രക്ഷപ്പെട്ടത്.
ഇന്ന് പുലർച്ചെ രണ്ടോടെ ആശുപത്രിയുടെ വെൻറിലേറ്റർ പൊളിച്ചാണ് ഇരുവരും രക്ഷപ്പെട്ടത്. ആറ്റിങ്ങൽ ഡിവൈഎസ്പിയുടെ നേതൃത്വത്തിൽ ഇവർക്കായി തിരച്ചിൽ ആരംഭിച്ചു.