സപ്ലൈകോ ഓണം ജില്ലാ ഫെയര് ഇന്ന് മുതല്; മുഖ്യമന്ത്രി ഉദ്ഘാടനം നിര്വഹിക്കും
കൊവിഡ് മാനദണ്ഡങ്ങള് പാലിച്ച് നടത്തുന്ന വിപണന കേന്ദ്രങ്ങളില് ഹോം അപ്ലൈന്സസ് ഉള്പ്പടെ എല്ലാ നിത്യോപയോഗ സാധനങ്ങളും ലഭിക്കും.
തിരുവനന്തപുരം: സപ്ലൈകോ ഓണം ജില്ലാ ഫെയറുകളുടെ സംസ്ഥാനതല ഉദ്ഘാടനം ഇന്ന് വൈകീട്ട് നാലിന് മുഖ്യമന്ത്രി പിണറായി വിജയന് വീഡിയോ കോണ്ഫറന്സില് നിര്വ്വഹിക്കും. ഭക്ഷ്യപൊതുവിതരണ വകുപ്പ് മന്ത്രി പി തിലോത്തമന് അധ്യക്ഷത വഹിക്കും. മന്ത്രി കടകംപള്ളി സുരേന്ദ്രന് ആദ്യവില്പന നടത്തും.
കൊവിഡ് മാനദണ്ഡങ്ങള് പാലിച്ച് നടത്തുന്ന വിപണന കേന്ദ്രങ്ങളില് ഹോം അപ്ലൈന്സസ് ഉള്പ്പടെ എല്ലാ നിത്യോപയോഗ സാധനങ്ങളും ലഭിക്കും. ബ്രാന്റഡ് ഉല്പ്പന്നങ്ങള്ക്ക് അഞ്ച് ശതമാനം മുതല് 30 ശതമാനം വരെ വിലക്കിഴിവ് ലഭിക്കും. പുത്തരിക്കണ്ടം മൈതാനത്ത് ആരംഭിക്കുന്ന ഓണം ജില്ലാ ഫെയര് 30വരെ പ്രവര്ത്തിക്കും. താലൂക്ക് ഫെയറുകള്, ഓണം മാര്ക്കറ്റുകള്, ഓണം മിനി ഫെയറുകള് എന്നിവ 26 മുതല് 30 വരെ വിപണന കേന്ദ്രങ്ങളോട് ചേര്ന്ന് നടത്തും. രാവിലെ 10 മുതല് വൈകുന്നേരം ആറ് വരെയാണ് പ്രവര്ത്തിക്കുക.