കോഴിക്കോട്: വീടിന് സമീപത്തെ മതിലിടിഞ്ഞ് വീണ് ഏഴു വയസ്സുകാരന് മരിച്ചു. പണിക്കര് റോഡ് നാലുകുടിപറമ്പ് കിഴക്കരകത്ത് ദയാലു(ലാലു)വിന്റെ മകന് എന് പി അവിനാശാണ് മരിച്ചത്. ഞായറാഴ്ച ഉച്ചയ്ക്ക് 1.30ഓടെയാണ് അപകടം. വീടിന് സമീപത്തെ മതിലിടിഞ്ഞ് അവിനാശിന്റെ ശരീരത്തിലേക്ക് വീഴുകയായിരുന്നു. ഉടന് തന്നെ ബീച്ച് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ബീച്ച് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റുമോര്ട്ടത്തിനുശേഷം തിങ്കളാഴ്ച സംസ്കാരം നടത്തും. കോട്ടൂളി സരസ്വതി വിദ്യാമന്ദിരം ഹൈസ്കൂള് രണ്ടാം ക്ലാസ് വിദ്യാര്ഥിയാണ്. മാതാവ്: പ്രീതി. സഹോദരി: ഭവ്യ.
അവിനാശിന്റെ മരണത്തില് അനുശോചിച്ച് കോട്ടൂളി സരസ്വതി വിദ്യാമന്ദിരം ഹൈസ്കൂളിന് തിങ്കളാഴ്ച അവധിയായിരിക്കുമെന്ന് പ്രിന്സിപ്പല് അറിയിച്ചു.